ភ្នំពេញ៖ ទីភ្នាក់ងារព័ត៌មានចិនស៊ិនហួ បានផ្សព្វផ្សាយនៅថ្ងៃទី៧ ខែវិច្ឆិកា ឆ្នាំ២០២២ថា ធនាគារអភិវឌ្ឍន៍អាស៊ី ហៅកាត់ថា (ADB) ដែលមានមូលដ្ឋាននៅទីក្រុងម៉ានីល នៅថ្ងៃទី៧នេះ បានអនុម័តលើការផ្តល់ហិរញ្ញប្បទានទឹកប្រាក់ចំនួន៧០លានដុល្លារអាមេរិក ។ កម្ចីប្រាក់ដុល្លារដល់កម្ពុជា ដើម្បីគាំទ្រកិច្ចខិតខំប្រឹងប្រែងរបស់រដ្ឋាភិបាលក្នុងការធ្វើកំណែទម្រង់ស៊ីជម្រៅលើការអប់រំកម្រិតមធ្យមសិក្សាទុតិយភូមិ បច្ចេកវិទ្យា វិស្វកម្ម និងគណិតវិទ្យា ហៅថា (STEM) នៅទូទាំងប្រទេស ។
នៅសេចក្តីថ្លែងការណ៍បានដាក់ថា គម្រោងវិទ្យាសាស្ត្រ និងបច្ចេកវិទ្យាក្នុងការអប់រំមធ្យមសិក្សាទុតិយភូមិ នឹងជួយកម្ពុជាអភិវឌ្ឍធនធានមនុស្សប្រកបដោយគុណភាពខ្ពស់ ជាពិសេសក្នុងវិស័យ STEM ខណៈដែលប្រទេសនេះប្រាថ្នាចង់ប្រែក្លាយសេដ្ឋកិច្ចរបស់ខ្លួនទៅជាសេដ្ឋកិច្ចដែលផ្អែកលើបច្ចេកវិទ្យា និងចំណេះដឹង ។
លោកស្រី Lynnette Perez អ្នកឯកទេសផ្នែកអប់រំចម្បងរបស់ធនាគារ ADB ប្រចាំតំបន់អាស៊ីអាគ្នេយ៍ មានថ្លែងថា “ដោយមើលឃើញគម្លាតជំនាញ STEM ដ៏សំខាន់ គម្រោងនេះនឹងជួយពង្រឹងប្រព័ន្ធអប់រំរបស់កម្ពុជា តាមរយៈការធ្វើឱ្យប្រសើរឡើងនូវការអប់រំ STEM ប្រពៃណីរបស់ខ្លួន ដើម្បីតាមតម្រូវការដែលកំពុងកើនឡើងសម្រាប់កម្លាំងពលកម្មដែលមានសមត្ថភាពខ្ពស់” ។
“នេះនឹងជាឧបករណ៍សម្រាប់ប្រទេសកម្ពុជាក្នុងការបញ្ចូលជំនាញ ចំណេះដឹង និងសមត្ថភាពនៅក្នុងសតវត្សរ៍ទី២១នេះ ទៅក្នុងការអប់រំ STEM របស់ខ្លួន ។ នេះនឹងធ្វើឲ្យសិស្សមានជំនាញក្នុងការគិតបែបរិះគន់ ការដោះស្រាយបញ្ហា ការច្នៃប្រឌិត និងការសហការ ដែលទាំងអស់នេះត្រូវការសម្រាប់ជាចំណេះដឹង” ។ លោកស្រីបានលើកឡើងដែរថា សេដ្ឋកិច្ចមានមូលដ្ឋាន ។
លោកស្រីបានថ្លែងទៀតថា សេចក្តីថ្លែងការណ៍បានដាក់ថា គម្រោងនេះនឹងដាក់ចេញនូវស្តង់ដារសម្រាប់ការអប់រំប្រកបដោយគុណភាពសម្រាប់អនុវិទ្យាល័យទាំងអស់ ធ្វើឱ្យប្រសើរឡើងនូវបរិក្ខារ និងផ្តល់នូវបច្ចេកវិទ្យាអប់រំសំខាន់ៗ និងឧបករណ៍ STEM នៅកម្ពុជា ។
លោកស្រី បានបញ្ជាក់បន្ថែមយ៉ាងដូច្នេះថា នៅក្នុងចំណោមផែនការរបស់គម្រោងនឹងត្រូវធ្វើឱ្យប្រសើរឡើងនូវសម្ភារៈបរិក្ខារនៃសាលាមធ្យមសិក្សាទុតិយភូមិចំនួន១៤ និងសាលាមធ្យមសិក្សាទុតិយភូមិទូទៅចំនួន១០៣ ដោយបំប្លែងថ្នាក់រៀនចំនួន៣ក្នុងបន្ទប់នីមួយៗទៅជាថ្នាក់វិទ្យាសាស្ត្រចំនួន២ និងបណ្ណាល័យមួយដែលមានឧបករណ៍ សម្ភារៈបង្រៀន សៀវភៅ គ្រឿងសង្ហារិម និងបច្ចេកវិទ្យាអប់រំចាំបាច់ និងធនធាននានា ៕
