ភ្នំពេញ៖ លោកបណ្ឌិត ហ៊ុន ម៉ាណែត នៅរាត្រីថ្ងៃទី១០ ខែវិច្ឆិកា ឆ្នាំ២០២២នេះ បានប្រកាសថា មានជនអនាមិក បានបង្កើតគណនី Telegram ដោយយករូប និងឈ្មោះរបស់លោកដើម្បីប្រើប្រាស់ក្នុងអំពើ និងសកម្មភាពផ្សេងៗ ពិសេសឈានទៅការបោកប្រាស់ ថវិកាបងប្អូនក្នុងការវិនិយោគ ក្រោមរូបភាពណាមួយ។
នៅលើគណនីហ្វេសប៊ុក «Hun Manet – C.O.Army Office» បញ្ជាក់ឱ្យដឹងថា បុគ្គល មានឈ្មោះ Selaloutt ជាអ្នកទាញបងប្អូន ចូលក្នុងក្រុមអាជីវកម្មឈ្មោះ Earntruemoney LTD ដោយប្រើប្រាស់គណនី Telegram មានរូប និងឈ្មោះឯកឧត្តមបណ្ឌិត ហ៊ុន ម៉ាណែត។
សូមបញ្ជាក់ថា គណនី Telegram ដែលមានរូប និងឈ្មោះឯកឧត្តមបណ្ឌិត ហ៊ុន ម៉ាណែត ដែលបុគ្គល ឬក្រុមនេះយកទៅប្រើប្រាស់ គឺជាគណនីក្លែងក្លាយនោះទេ។ លោកបណ្ឌិត ហ៊ុន ម៉ាណែត មានតែគណនី Telegram Channel ដែលមាន Link: https://t.me/HunManet_coarmy៕
