ហាណូយ ៖ រដ្ឋមន្ត្រីក្រសួងការពារជាតិ នាយឧត្តមសេនីយ៍ Phan Văn Giang និងឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិកម្ពុជា លោក ទៀ បាញ់ ដែលបានអញ្ជើញ មកទស្សនកិច្ចនៅវៀតណាម បានពិនិត្យកិច្ចសហប្រតិបត្តិការ របស់ក្រសួងការពារជាតិ ទាំងពីរក្នុងឆ្នាំ ២០២២ និងបានឯកភាពលើផែនការ សហប្រតិបត្តិការសម្រាប់ឆ្នាំនេះ ក្នុងអំឡុងកិច្ចពិភាក្សានៅទីក្រុងហាណូយ កាលពីថ្ងៃអាទិត្យ។
យោងតាមសារ ព័ត៌មាន Vietnam News ចេញផ្សាយ កាលពីថ្ងៃទី១៩ ខែកុម្ភៈ ឆ្នាំ២០២៣ បានឱ្យដឹងថា ថ្លែងមតិក្នុងកិច្ចពិភាក្សា ដែលបានធ្វើឡើង បន្ទាប់ពីពិធីស្វាគមន៍ ជាផ្លូវការសម្រាប់កម្ពុជា ជាផ្លូវការ លោករដ្ឋមន្ត្រី Giang បានសម្តែងនូវជំនឿថា ដំណើរទស្សនកិច្ចផ្លូវការរបស់លោក ទៀ បាញ់ មកកាន់វៀតណាមនឹង ទទួលបានជោគជ័យ និងបង្កើតកម្លាំងចលករថ្មីសម្រាប់មិត្តភាពរបស់ប្រទេសទាំងពីរ រួមទាំងរវាងក្រសួងការពារជាតិ និងយោធា នៃប្រទេសទាំងពីរផងដែរ ។
មន្ត្រីកម្ពុជាបានចាត់ទុកថា កិច្ចសហប្រតិបត្តិការរវាងកងទ័ពទាំងពីរ បានបន្តត្រូវបានពង្រឹង និងទទួលបានលទ្ធផលជាផ្លែផ្កា ទោះបីជាមានការរីករាលដាល នៃជំងឺកូវីដ-១៩ក៏ដោយ ។ ភាគីទាំងពីរបានបង្ហាញពីការប្តេជ្ញាចិត្ត ក្នុងការពង្រឹងទំនាក់ ទំនងកម្ពុជា-វៀតណាម តាមរយៈការលើកកម្ពស់ភាព ជាដៃគូទូលំទូលាយ និងអនុវត្តផែនការសហប្រតិបត្តិការ ប្រចាំឆ្នាំប្រកបដោយប្រសិទ្ធភាព។
ទាំងភាគីវៀតណាម និងកម្ពុជា បានចែករំលែកទស្សនៈថា ឆ្នាំ ២០២២ ដែលត្រូវបានកំណត់ថាជា “ឆ្នាំមិត្តភាពវៀតណាម – កម្ពុជា និងកម្ពុជា – វៀតណាម” មានអត្ថន័យពិសេស ចំពោះទំនាក់ទំនងរបស់ប្រទេស។ សកម្មភាពនិមិត្តសញ្ញាជិត ៣០ ត្រូវបានរៀបចំឡើងដោយក្រសួងការពារជាតិទាំងពីរកាលពីឆ្នាំមុន រួមទាំងការផ្លាស់ប្តូរមិត្តភាព ការពារព្រំដែនលើកដំបូងនៅក្នុងខែឧសភា។ ពិធីរំលឹកខួប ៤៥ឆ្នាំ នៃការចាប់ផ្តើមដំណើររបស់នាយករដ្ឋមន្ត្រីសម្តេចតេជោ ហ៊ុន សែន ដើម្បីផ្តួលរំលំរបប ប្រល័យពូជសាសន៍ ប៉ុល ពត ដែលបានធ្វើឡើងកាលពីខែមិថុនា ។ កិច្ចប្រជុំប្រចាំឆ្នាំលើកទី៣ នៃរដ្ឋមន្ត្រីការពារជាតិ នៃប្រទេសវៀតណាម ឡាវ និងកម្ពុជា និងសមយុទ្ធសង្គ្រោះរួមគ្នាលើកដំបូង ក្នុងចំណោមយោធាទាំងបីនៅក្នុងខែកញ្ញា។
ទីភ្នាក់ងារ និងអង្គភាព នៃភាគីទាំងពីរក៏បានរក្សាការចែករំលែកព័ត៌មាន ការពារសន្តិសុខ និងសណ្តាប់ធ្នាប់តាមព្រំដែនគោក និងសមុទ្រ ហើយអនុវត្តផែនការសហប្រតិបត្តិការឆ្នាំ ២០២២ ប្រកបដោយផ្លែផ្កា។
ដោយឯកភាព លើផែនការ កិច្ចសហប្រតិបត្តិការលើវិស័យការពារជាតិឆ្នាំ២០២៣ រដ្ឋមន្ត្រីទាំងពីរបានសង្កត់ធ្ងន់ លើវិស័យមួយចំនួន រួមទាំងការបង្កើន ការចែករំលែកព័ត៌មាន និងធ្វើការល្បាតរួមគ្នា ដើម្បីរក្សាសន្តិសុខ និងសណ្តាប់ធ្នាប់លើគោក និងនៅសមុទ្រ។ សហការយ៉ាង ជិតស្និទ្ធជាមួយគ្នា ទៅវិញទៅមក ដើម្បីកសាងផែនការទំនាក់ទំនងរយៈពេលវែង ដើម្បីផ្សព្វផ្សាយនូវសាមគ្គីភាព និងផ្តល់ជំនួយទៅវិញ ទៅមករវាងរដ្ឋាភិបាល ប្រជាជន និងយោធា ជាពិសេសក្នុងឱកាសគម្រប់ខួបធំៗ ដូចជាខួបលើកទី ៧០ នៃការបង្កើតកងយោធពលខេមរភូមិន្ទសម្រាប់ឆ្នាំ ២០២៣ និងខួបលើកទី ៨០ នៃកងទ័ពប្រជាជន វៀតណាម សម្រាប់ឆ្នាំ ២០២៤ ; ធ្វើការរួមគ្នាដើម្បីអនុវត្តសកម្មភាព កិច្ចសហប្រតិបត្តិការ ប្រកបដោយប្រសិទ្ធភាពពាក់ព័ន្ធនឹងការដែលកម្ពុជា ធ្វើជាម្ចាស់ផ្ទះនៃការប្រកួតកីឡាអាស៊ីអាគ្នេយ៍ (ស៊ីហ្គេម) លើកទី៣២ និងអាស៊ានប៉ារ៉ាហ្គេមលើកទី១២ និងបន្តកិច្ចខិតខំប្រឹងប្រែងរួមគ្នា ដើម្បីស្វែងរក និងធ្វើមាតុភូមិនិវត្តន៍អដ្ឋិធាតុទាហានស្ម័គ្រចិត្ត និងអ្នកជំនាញវៀតណាម ដែលបានស្លាប់ ក្នុងសម័យសង្គ្រាមនៅកម្ពុជា ៕
