ភ្នំពេញ ៖ បន្ទាប់ពីបទបញ្ជារបស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា មិនដល់២ម៉ោងស្រួលបួលផង មន្ត្រីរដ្ឋបាលព្រៃឈើ បានចាប់យកសត្វក្ងោក ទាំង២០ក្បាល ពីសួនសត្វភ្នំតាម៉ៅ ខេត្តតាកែវ ដឹកទៅឲ្យម្ចាស់ចិញ្ចឹមវិញហើយ នៅស្រុកបរិបូណ៌ ខេត្តកំពង់ឆ្នាំង ។
ម៉ោងប្រមាណជា១២និង១២នៅរសៀលថ្ងៃទី២៨ ខែកុម្ភៈ ឆ្នាំ២០២៣នេះ សម្តេចតេជោបានបញ្ជាជាបន្ទាន់ ដោយគ្មានពន្យាពេលទេ គឺឲ្យក្រុមមន្រ្តីពាក់ព័ន្ធនៅក្នុងក្រសួងកសិកម្ម រុក្ខាប្រមាញ់ និងនេសាទ យកសត្វក្ងោក ដែលដកហូតពីបុរសម្នាក់ នៅខេត្តកំពង់ឆ្នាំង យកទៅឲ្យម្ចាស់ចិញ្ចឹម នៅត្រឹមថ្ងៃទី២៨ កុម្ភៈនេះតែម្តង ហើយនៅម៉ោង មិនទាន់២ផង ក្រុមមន្រ្តីបានអនុវត្ត តាមបញ្ជាសម្តេច យកសត្វក្ងោកទាំង២០ក្បាល នោះដឹកជញ្ជូនទៅ ឲ្យម្ចាស់វិញហើយ ៕
