ភ្នំពេញ៖ លោកបណ្ឌិត ហ៊ុន ម៉ាណែត នាថ្ងៃទី៨ ខែមេសា ឆ្នាំ២០២៣ បានអញ្ជើញចូលរួមក្នុងពិធីសំណេះសំណាល និងជួបជុំមហាគ្រួសារខ្មែររស់នៅសហរដ្ឋអាមេរិក និងប្រទេសកាណាដា ក្នុងឱកាសអបអរសាទរ មហាសង្រ្កាន្តឆ្នាំថ្មី ឆ្នាំថោះ បញ្ចស័ក ព.ស ២៥៦៦-២៥៦៧ ចំនួនប្រមាណជាង ១.២០០ នាក់ នៅមជ្ឈមណ្ឌលពិព័រណ៍កោះពេជ្រ ក្នុងរាជធានីភ្នំពេញ។
ក្នុងបរិយាកាសជួបជុំប្រកបដោយភាពស្និទ្ធស្នាល និងសប្បាយរីករាយនោះ លោកបណ្ឌិត ហ៊ុន ម៉ាណែត បានសម្តែងនូវការអរគុណចំពោះប្រជាពលរដ្ឋខែ្មររស់សហរដ្ឋអាមេរិក និងប្រទេសកាណាដា ដែលតែងបានគាំទ្រចំពោះរាជរដ្ឋាភិបាលដែលដឹកនាំដោយ សម្តេចតេជោ នាយករដ្ឋមន្រ្តី ព្រមទាំងបានកោតសរសើរចំពោះទឹកចិត្តសប្បុរសក្នុងការចូលរួមចំណែកបំពេញកិច្ចការមនុស្សធម៌នានា រួមមានជាអាទិ៍៖ ការជួយឧបត្ថម្ភជនដល់រងគ្រោះក្នុងវិបត្តិនៃជំងឺកូវីដ-១៩, គ្រួសាររងផលប៉ះពាល់ដោយសារទឹកជំនន់, គ្រួសារមានជីវភាពលំបាកខ្វះខាត, មន្ទីរពេទ្យគន្ធបុប្ផា និងការផ្តល់អំណោយជាអណ្តូងទឹកនៅតាមសហគមន៍ជនបទ ជាដើម។ កត្តាទាំងនេះ គឺពិតជាបានបង្ហាញអំពីភាពខ្លាំងក្លា នៃកម្លាំងមហាសាមគ្គីប្រជាជាតិខ្មែរតាមរយៈការផ្សារភ្ជាប់ទំនាក់ទំនងគ្នា រវាងអ្នករស់នៅក្រៅប្រទេស និងអ្នករស់នៅក្នុងប្រទេស ក្រោមស្មារតីខ្មែរតែមួយ ដែលតែងជួយយកអាសារគ្នា ទៅវិញទៅមក ហើយកម្លាំងសាមគ្គីភាពដ៏រឹងមាំនេះ នឹងនៅបន្តឋិតឋេរក្រោមបរិយាកាសសុខសន្តិភាពដែល សម្តេចតេជោ បេ្តជ្ញាការពារថែរក្សាឱ្យគង់វង្សយូរអង្វែងគ្រប់ជំនាន់តរៀងទៅ។
លោកបណ្ឌិត បានមានប្រសាសន៍បន្តទៀតថា ក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជាក្រៅប្រទេស តែងប្រកាន់ខ្ជាប់នូវគោលការណ៍សាមញ្ញ ៤ យ៉ាង រួមមាន៖ ទី១. ការប្រកាន់សច្ចៈធម៌ ដោយផ្សព្វផ្សាយតែអំពីការពិតដែលបានកើតមានទ្បើងនៅក្នុងដំណើរការអភិវឌ្ឍរីកចម្រើនរបស់កម្ពុជា, ទី២. ការប្រកាន់នូវធម៌អហិង្សា ក្នុងការឆ្លើយតបទៅនឹងសកម្មបំពាននានា, ទី៣. ការប្រកាន់ខ្ជាប់នូវស្មារតីគ្រួសារខ្មែរតែមួយ ដោយឈរលើមូលដ្ឋានស្រលាញ់រាប់អានគ្នាជាបងប្អូន ហើយ សម្តេចតេជោ ដែលជាថ្នាក់ដឹកនាំ ក៏បានប្រកាន់យកនូវស្មារតីនេះ ដើម្បីបង្រួបបង្រួមជាតិ និងនាំមកនូវសន្តិភាពពេញលេញពាសពេញផ្ទៃប្រទេស ដែលមិនធ្លាប់កើតមានទ្បើយក្នុងប្រវត្តិសាស្រ្តជាង ៥០០ ឆ្នាំរបស់កម្ពុជា, និងទី៤. គឺការយកអស់កម្លាំងកាយចិត្តជួយផ្សារភ្ជាប់នូវទំនាក់ទំនងរវាងបងប្អូនខ្មែររស់នៅក្រៅស្រុក និងក្នុងស្រុក តាមរយៈការបើកឱកាសរួមគ្នាឱ្យមានការផ្លាស់ប្តូរបទពិសោធន៏ខាងផ្នែកសិល្បៈ វប្បធម៌ និងកីទ្បា ព្រមទាំងសកម្មភាពសង្គម និងសប្បុរសធម៌នានា ។ សកម្មភាពទាំងអស់នេះហើយ ដែលធ្វើឱ្យក្រុមការងារទទួលបានការគោរពស្រលាញ់ និងភាពកក់ក្តៅពីសំណាក់បងប្អូនពលរដ្ឋដែលរស់នៅក្រៅប្រទេសគ្រប់មជ្ឈដ្ឋានរហូតមក។
ជាចុងក្រោយ លោក បណ្ឌិត ក៏បានថ្លែងអំណរគុណដល់ក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជាប្រចាំសហរដ្ឋអាមេរិក និងប្រទេសកាណាដា ចំពោះសមិទ្ធផលការងារទាំងទ្បាយដែលសម្រេចបានរួមគ្នា ក្នុងរយៈកាលកន្លងមកនេះ ដែលជាការចូលរួមចំណែកមួយយ៉ាងសំខាន់ក្នុងការបន្តបុព្វហេតុបម្រើជាតិមាតុភូមិរបស់គណបក្សប្រជាជនកម្ពុជា៕
![](https://dap-news.com/wp-content/uploads/2023/04/F965680B-8FFB-45C5-BB6E-B388F88632C9-1024x682.jpeg)
![](https://dap-news.com/wp-content/uploads/2023/04/B9EDEEF6-08A8-4771-8100-A3D4A2C14941-1024x682.jpeg)
![](https://dap-news.com/wp-content/uploads/2023/04/63E96390-157F-49D8-AAB5-4D6FF713AC43-1024x682.jpeg)
![](https://dap-news.com/wp-content/uploads/2023/04/3DA699A6-00CE-4667-A298-3A7D9A8AE6E8-1024x682.jpeg)
![](https://dap-news.com/wp-content/uploads/2023/04/3FF9AA09-FF11-4983-A91F-786E40EBEF47-1024x682.jpeg)
![](https://dap-news.com/wp-content/uploads/2023/04/3428F07A-7665-491A-A541-519B1BFCD532-1024x682.jpeg)
![](https://dap-news.com/wp-content/uploads/2023/04/31F6AE25-DF05-4FA3-91F2-219ACEEDF783-1024x320.jpeg)
![](https://dap-news.com/wp-content/uploads/2023/04/DFB7CAC5-4454-4CEF-BD9F-0751A9F90466-1024x682.jpeg)
![](https://dap-news.com/wp-content/uploads/2023/04/E34C0178-9DCE-4734-9B58-55041624DCBA-727x1024.jpeg)
![](https://dap-news.com/wp-content/uploads/2023/04/61AE149A-B483-4D52-AA17-E3D4A00A753A-736x1024.jpeg)
![](https://dap-news.com/wp-content/uploads/2023/04/6F8A3275-A719-4026-B7BA-09072E56E7F5-1024x682.jpeg)
![](https://dap-news.com/wp-content/uploads/2023/04/8D2C56BE-1E6C-44F9-9E54-16051D68ECB2-1024x682.jpeg)
![](https://dap-news.com/wp-content/uploads/2023/04/20B23F4D-C31C-4234-9437-12F625B84C0E-1024x682.jpeg)
![](https://dap-news.com/wp-content/uploads/2023/04/D6E0938C-E73A-49C8-9325-D13AE195CBC3-1024x682.jpeg)
![](https://dap-news.com/wp-content/uploads/2023/04/CA87CDDC-B637-449F-938C-80D3575A4005-1024x682.jpeg)
![](https://dap-news.com/wp-content/uploads/2023/04/D32DED51-75DB-4CFD-8263-0990E8E0F9DD-1024x682.jpeg)
![](https://dap-news.com/wp-content/uploads/2023/04/F2CC291B-5759-411D-9FD7-56A1AFBA141D-1024x682.jpeg)
![](https://dap-news.com/wp-content/uploads/2023/04/4C190DAB-D900-4DE3-9CD4-6B60F07A9B03-682x1024.jpeg)
![](https://dap-news.com/wp-content/uploads/2023/04/25CF4BDB-F993-4222-83C7-B09F7BE7E858-1024x682.jpeg)
![](https://dap-news.com/wp-content/uploads/2023/04/9136F076-68E0-4401-A11C-E28A6D81B07C-1024x682.jpeg)
![](https://dap-news.com/wp-content/uploads/2023/04/BD0A6547-22D0-490A-8F06-B57C1A74331F-1024x682.jpeg)
![](https://dap-news.com/wp-content/uploads/2023/04/CA8BEDE6-5770-4271-AE4A-56585B0B3519-1024x682.jpeg)
![](https://dap-news.com/wp-content/uploads/2020/08/1-1.png)