ភ្នំពេញ ៖ ក្រោយធ្វើការសាកសួរ បំភ្លឺនឹងទទួលបណ្តឹងពីភរិយាលោក គឹម បញ្ញា អភិបាលរងក្រុងបូកគោ ខេត្តកំពត ត្រូវបានសមត្ថកិច្ចឃាត់ខ្លួនហើយ នាព្រលប់ថ្ងៃ២៥ មេសានេះ។
ការឃាត់ខ្លួននេះ ធ្វើឡើង ក្រោយរូបលោកចូលបំភ្លឺ តាមបណ្តឹងភរិយា នៅស្នងការខេត្តកំពត ក្នុងករណីប្រើហិង្សាលើ ប្រពន្ធខ្លួន។
ចំពោះការឃាត់ខ្លួននេះ មានការសុំគោលការណ៍ទៅ លោក ម៉ៅ ធនិន អភិបាលខេត្តកំពត និងដោយបានគោលការណ៍ណែនាំពីព្រះរាជអាជ្ញា សំរេចឃាត់ខ្លួនលោក គឹម បញ្ញា ដើម្បីបន្តនីតិវិធីទៅតុលាការពាក់ពន្ធ័ ករណីប្រើហិង្សាលើភរិយា ។
លោក គឹម បញ្ញាអាយុ ៣០ឆ្នាំ ទើបត្រូវបានប្រកាសឲ្យចូលកាន់មុខ តំណែងអភិបាលរងក្រុងបូកគោ កាលពីពេលថ្មីៗនេះ៕
