កំពង់ចាម ៖ក្នុងរាត្រីទីមួយ ថ្ងៃទី ២៩ ខែមេសា ឆ្នាំ ២០២៣ នេះ យ៉ាងហោចណាស់មានប្រជាពលរដ្ឋប្រមាណជាជិត ២ ម៉ឺន នាក់មកទស្សនាព្រឹត្តិការណ៍ប្រកួត បាល់ទាត់ជម្រើសជាតិ កម្ពុជា សម្រាប់ព្រឹត្តិការណ៍កីឡាស៊ីហ្គេម លើកទី៣២ តាមរយៈកញ្ចក់ទូរទស្សន៍ផ្សាយបន្តផ្ទាល់ នៅលើសួនច្បារមុខសាលាខេត្តកំពង់ចាម ។
តាម លោក ស៊ាន សុគន់ ប្រធានមន្ទីរទេសចរណ៍ខេត្តកំពង់ចាម បានឲ្យដឹងថា នៅរសៀលថ្ងៃទី ២៨ ខែមេសា ឆ្នាំ២០២៣ នេះ លោក អ៊ុន ចាន់ដា អភិបាលខេត្តកំពង់ចាម បានរៀបចំដាក់ទូរទស្សន៍ខ្នាតធំ (LED) ដើម្បីចាក់បញ្ចាំងផ្សាយបន្តផ្ទាល់ ពីការប្រកួតបាល់ទាត់ជម្រើសជាតិកម្ពុជា សម្រាប់ព្រឹត្តិការណ៍កីឡាស៊ីហ្គេម លើកទី៣២ ។
លោកប្រធានមន្ទីរទេសចរណ៍បានបញ្ជាក់ថា នារាត្រីទីមួយ ថ្ងៃទី ២៩ ខែមេសា ឆ្នាំ ២០២៣ នេះ មានប្រជាពលរដ្ឋមកពីទីជិតឆ្ងាយអញ្ជើញចូលរួមទស្សនាការផ្សាយបន្តផ្ទាល់នេះយ៉ាងច្រើនកុះករ ប្រមាណជាជិត ២ ម៉ឺននាក់ នៅលើសួនច្បារមុខសាលាខេត្តកំពង់ចាមតែម្ដង ។
ប្រភពពីប្រជាពលរដ្ឋ ដែលមកចូលរួមទស្សនាការផ្សាយបន្តផ្ទាល់ បានបញ្ចេញមតិ ប្រហាក់ប្រហែលគ្នាថា ពួកគាត់ពិតជាមានភាពសប្បាយរីករាយ ដែល រដ្ឋបាលខេត្តកំពង់ចាមបានរៀបចំ ដាក់ទូរទស្សន៍ខ្នាតធំ ឱ្យពួកគាត់បានទស្សនា ជុំគ្នាជាមួយប្រជាពលរដ្ឋយ៉ាងច្រើនកុះករឲ្យទៀត ដែលប្រកាសនេះធ្វើឲ្យពួកគាត់មានអារម្មណ៍សប្បាយរីករាយ ស្រែកហ៊ោកញ្ច្រៀវ ជាពិសេសនៅពេល ក្រុមកីឡាករទាត់បាល់បញ្ចូលទីម្ដងៗ ៕
![](https://dap-news.com/wp-content/uploads/2023/04/6C0A53F2-8523-470C-B3BE-6D5C44BBE72F-1024x682.jpeg)
![](https://dap-news.com/wp-content/uploads/2023/04/9D2BA904-9D48-40F9-A19E-1F5DE8A54922-1024x682.jpeg)
![](https://dap-news.com/wp-content/uploads/2023/04/E3EF92D3-1D92-49B4-9FC1-3C5FFCF46406-1024x682.jpeg)
![](https://dap-news.com/wp-content/uploads/2023/04/5A8E15DB-3D9C-4C62-B12F-16B917ABA7B8.jpeg)
![](https://dap-news.com/wp-content/uploads/2023/04/BDB6E062-1514-48FF-9F59-52EA18E64F0F.jpeg)
![](https://dap-news.com/wp-content/uploads/2023/04/0B63BD8A-0450-43FC-BE27-8925AD3C2F1C.jpeg)
![](https://dap-news.com/wp-content/uploads/2020/08/1-1.png)