ភ្នំពេញ ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចបដិសេធ ការចុះបញ្ជីគណបក្ស នយោបាយ ឈរឈ្មោះបោះឆ្នោត ជ្រើសតាំងតំណាងរាស្ត្រ នីតិកាលទី៧ របស់គណបក្ស មហាសាមគ្គីជាតិខ្មែរ ។
យោងតាមសេចក្ដីសម្រេចរបស់ គ ជ ប នាថ្ងៃទី១៩ ឧសភា នេះបានបញ្ជាក់ថា «បដិសេធការចុះបញ្ជី គណបក្សនយោបាយឈរឈ្មោះ បោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ របស់គណបក្សមហាសាមគ្គីជាតិខ្មែរ ដែលមាន៧ មណ្ឌលរាជធានី ខេត្ត ដោយមូលហេតុ គណបក្សមហាសាមគ្គីជាតិខ្មែរ មិនបានភ្ជាប់មកជាមួយ នូវប្រកាសស្តីពីការចុះឈ្មោះក្នុងបញ្ជីគណបក្ស នយោបាយនៅក្រសួងមហាផ្ទៃ ដែលមានបញ្ជាក់ នីត្យានុកូលកម្ម ដោយរដ្ឋបាលរាជធានី ខេត្ត ស្រុក ខណ្ឌ នៅការិយាល័យច្រកចេញចូលតែមួយ ឱ្យបានត្រឹមត្រូវស្រប តាមកថាខណ្ឌទី២ និងចំណុចទី១ ក្នុងមាត្រា ២៧ នៃច្បាប់ស្តីពីការបោះឆ្នោតជ្រើសតាំងតំណាងរាស្ត្រ» ៕
![](https://dap-news.com/wp-content/uploads/2023/05/photo_2023-05-19_16-32-00-724x1024.jpg)
![](https://dap-news.com/wp-content/uploads/2023/05/photo_2023-05-19_16-32-04-724x1024.jpg)
![](https://dap-news.com/wp-content/uploads/2023/05/photo_2023-05-19_16-32-13-724x1024.jpg)
![](https://dap-news.com/wp-content/uploads/2020/08/1-1.png)