ភ្នំពេញ៖ លោក ហូ លីហូវ អនុប្រធានគណៈកម្មាធិការ គណបក្សមូលដ្ឋានគណៈចលនាមហាជន តំណាងដ៏ខ្ពង់ខ្ពស់ លោក ឡាវ វ៉ាន់ សមាជិកគណៈកម្មាធិការកណ្តាល និងជាប្រធានគណៈកម្មាធិការ គណបក្សមូលដ្ឋានគណៈចលនាមហាជន នាថ្ងៃទី១៦ ខែមិថុនា ឆ្នាំ២០២៣ បានអញ្ចើញដឹកនាំកិច្ចប្រជុំតាមដានវឌ្ឍនភាព ការងារប្រចាំខែមិថុនា និងលើកទិសដៅខែកក្កដា ឆ្នាំ២០២៣ របស់គណៈកម្មាធិការគណបក្សមូលដ្ឋាន គណៈចលនាមហាជន។
កិច្ចប្រជុំនេះ មានការអញ្ជើញចូលរួមពីឯកឧត្តម ឧកញ៉ា លោក លោកស្រី ជាប្រធានសាខាគណបក្ស មជ ទាំង៣ ចំណុះគណៈកម្មាធិការគណបក្ស គណៈចលនាមហាជន និងសមាជិក សមាជិកា ចំនួន ៣១រូប នៅទីស្នាក់ការកណ្តាលគណបក្សប្រជាជនកម្ពុជា (វិមាន ៧មករា) ស្ថិតនៅសង្កាត់ទន្លេរបាសាក់ ខណ្ឌចំការមន រាជធានីភ្នំពេញ៕
