ពោះវៀន និងស្បែកជ្រូក ខូចគុណភាព ជិត ៥តោន ត្រូវបានដកហូត យកដុតកម្ទេចចោល

ភ្នំពេញ ៖ សមត្ថកិច្ច ក.ប.ប. សាខាខេត្តកណ្ដាល និងដោយមានការសហការពីសមត្ថកិច្ចគយ និងអាជ្ញាធរមានសមត្ថកិច្ច នាថ្ងៃទី១១ ខែកក្កដា ឆ្នាំ២០២៣ បានដុតកម្ទេចចោលនូវពោះជ្រូក និងស្បែកជ្រូកដែលខូគុណភាពចំនួន ៤ ៧៧៥គីឡូក្រាម ស្ថិតនៅភូមិត្រពាំងវែង ឃុំត្រពាំងវែង ស្រុកកណ្ដាលស្ទឹង។ នេះបើតាមហ្វេសប៊ុក អគ្គនាយកដ្ឋាន ក.ប.ប ។

គួរបញ្ជាក់ផងដែរថា ទំនិញខូចគុណភាពទាំងនេះ នឹងធ្វើឲ្យប៉ះពាល់ ដល់សុខភាពអ្នកបរិភោគ ប្រសិន បើទំនិញខាងលើនេះ ចរាចរលក់នៅលើទីផ្សារ ៕