ភ្នំពេញ៖ លោក កើត រិទ្ធរដ្ឋមន្រ្តីក្រសួងយុត្តិធម៌ បានចេញលិខិតបង្គាប់ការឲ្យលោកជីវ កេង អនុ ប្រធានតុលាការកំពូល ជាប្រធានស្ដីទីតុលាការកំពូល រហូតមានការតែងតាំង ប្រធានតុលាការកំពូលជាផ្លូវការ។
ការចាត់តាំងជាលិខិតផ្លូវការបែបនេះ របស់លោករដ្ឋមន្រ្តីក្រសួងយុត្តិធម៌ក្រោយពីលោក ឌិត មុន្ទី ជាប្រធានតុលាការកំពូល ត្រូវបានព្រះមហាក្សត្រចេញព្រះរាជក្រឹត្យ ត្រាស់បង្គាប់ឲ្យលោកចូលនិវត្តន៍ ។
កាលពីថ្ងៃពីថ្ងៃ១១ សីហា ព្រះករុណាព្រះបាទ សម្ដេចព្រះបរមនាថ នរោត្តមសីហមុនី ព្រះមហាក្សត្រកម្ពុជា បានចេញព្រះរាជក្រឹត្យត្រាស់បង្គាប់ដាក់ឲ្យ លោកឌិត មុន្ទី ប្រធានតុលាការកំពូល និងចៅក្រមតុលាការកំពូល ២រូបទៀត ចូលនិវត្តន៍ ចាប់ពីថ្ងៃ១៥ សីហា ឆ្នាំ២០២៣ តបតាមសំណើរបស់សាមីខ្លួន៕
