ឯកឧត្តមបណ្ឌិត ប្រាំង ជលសា សូមអបអរសាទរនិងគោរពជូនពរ ចំពោះលោកជំទាវ ឃួន សុដារី ក្នុងឱកាស ព្រះមហាក្សត្រផ្តល់គោរមងារ ជា សម្តេចមហារដ្ឋសភាធិការធិបតី

ឯកឧត្តមបណ្ឌិត ប្រាំង ជលសា ប្រតិភូរាជរដ្ឋាភិបាលកម្ពុជា ទទួលបន្ទុកជា អគ្គនាយកអគ្គិសនីកម្ពុជា និងលោកជំទាវ ព្រមទាំងថ្នាក់ដឹកនាំ និងនិយោជិត អគ្គិសនីទាំងអស់ សូមអបអរសាទរ និងគោរព ជូនពរចំពោះលោក ជំទាវ ឃួន សុដារី ប្រធានរដ្ឋសភា ក្នុងឱកាសដែលលោកជំទាវ ត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ចេញព្រះរាជក្រឹត្យត្រាស់បង្គាប់ផ្តល់គោរមងារ ដ៏ឧត្តុង្គឧត្តមខ្ពង់ខ្ពស់បំផុត ជា «សម្តេចមហារដ្ឋសភាធិការធិបតី»។

សូមបួងសួង វត្ថុស័ក្ដិសិទ្ធិទាំងឡាយ សូមជួយអភិបាលគ្រងរក្សា ប្រោះព្រំ ប្រសិទ្ធពរ បវរមហាប្រសើរ ជូនសម្តេចមហារដ្ឋសភាធិការធិបតី ឃួន សុដារី និងក្រុមគ្រួសារ ជាទីស្រឡាញ់ សូមបានប្រកបនូវព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍៕