ភ្នំពេញ៖ តាមរយៈលោក ខៀវ កាញារីទ្ធ អតីតរដ្ឋមន្ត្រីក្រសួងព័ត៌មាន បានបញ្ចេញសាររបស់ពលរដ្ឋមួយរូបដែលបានសួរថា ហេតុអ្វីក្រុមហ៊ុនដឹកជញ្ជូនតាមផ្លូវទឹក នៅកម្ពុជា មិនទទួលទំនិញធ្យូងអនាម័យ និងធ្យូងអុស និងឈើកសិកម្ម ដឹកទៅក្រៅប្រទេស។
ក្នុងសំណេរដែល លោក ខៀវ កាញារីទ្ធ បង្ហាញមកនោះ បានរៀបរាប់ថា”តេីហេតុអ្វីបានជា ក្រុមហ៊ុនកប៉ាល់ទាំងអស់នៅកម្ពុជា មិនទទួលដឹកទំនិញ ធ្យូងអនាម័យនិងធ្យូងអុស ឈេីកសិកម្ម ទៅកាន់ទីផ្សារក្រៅប្រទេស? ដោយឡែកនៅប្រទេសវៀតណាម ថៃ ឬប្រទេសផ្សេងៗទៀត គឺគេទទួលដឹកទៅក្រៅប្រទេសផ្សេង ដោយគ្មានបញ្ហាអ្វីទាំងអស់។ វាខុសអីតែស្រុកខ្មែរយេីងដែល ក្រុមហ៊ុនកប៉ាល់ទាំងអស់ មិនព្រមដឹក?” ។
ក្នុងនោះដែរ អ្នកដែលបាន សួរពាក់ព័ន្ធនឹងបញ្ហានេះ បានបញ្ជាក់ដែរថា ខ្លួនគឺជាអ្នកឯកទេសផលិតធ្យូងអនាម័យ និងធ្យូងឈេីកសិកម្មនៅ កម្ពុជា។
ប្រភពបានបញ្ជាក់ទៀតថា “ធ្យូងដែលខ្ញុំបាទផលិតបាន គឺត្រូវបានភ្ញៀវបរទេស ត្រូវការជាខ្លាំង ប៉ុន្តែមានឧប្បស័គ្រតែម៉្យាងគឺ កប៉ាល់ មិនព្រមដឹកចេញ តាមការស្នេីសុំរបស់ខ្ញុំបាទទេ”។
ក្រោយទទួលបានសារ ពីប្រជាពលរដ្ឋបែបនេះ លោក ខៀវ កាញារីទ្ធ អតីតរដ្ឋមន្ត្រីព័ត៌មាន បានយកសំណូមពរ ឲ្យអាជ្ញាធរពាក់ព័ន្ធ ជួយពន្យល់ និងដោះស្រាយផងដែរ៕
