ភ្នំពេញ៖ ដោយទទួលបានការអនុញ្ញាតពី បណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម (ARDB) ក្រុមការងារសាខាបាត់ដំបង បានចូលរួមប្រគល់ មូលប្បទានបត្រ ជូនកសិករ ដែលទទួលបានហិរញ្ញប្បទាន ឥតសំណង មូលនិធិនវានុវត្តន៍ (VCIF) លើផលិតកម្មពូជស្រូវ ក្រោមគម្រោងជំរុញទីផ្សារ សម្រាប់កសិកម្មខ្នាតតូច (AIMS) នាថ្ងៃទី០១ ខែធ្នូ ឆ្នាំ២០២៣ ដែលបានប្រព្រឹត្តទៅ នៅមន្ទីរពាណិជ្ជកម្ម ខេត្តបាត់ដំបង។
ដោយមានការចូលរួម ពីតំណាងមណ្ឌលភូមិភាគបាត់ដំបង តំណាងពីក្រុមហ៊ុន AMRU Rice និងកសិករដែលទទួលបានហិរញ្ញប្បទានឥតសំណង មូលនិធិនវានុវត្តន៍ សរុបមាន៤៧ គ្រួសារ (ក្នុងនោះស្រ្តី ចំនួន១១គ្រួសារ) ស្មើនឹងទឹកប្រាក់ ១៥,៥៤២.២៨ ដុល្លារអាមេរិក។
កសិករមកពីក្រុង ស្រុក ចំនួន៨ គឺក្រុងបាត់ដំបង ស្រុកគាស់ក្រឡ ស្រុកថ្មគោល ស្រុកបវេល ស្រុកបាណន់ ស្រុកមោងឫស្សី ស្រុករុក្ខគិរី និងស្រុកសង្កែ។
