ភ្នំពេញ ៖ មន្ទីរសាធារណការ និងដឹកជញ្ជូន ខេត្តកណ្ដាល នៅថ្ងៃទី៨ ខែមករា ឆ្នាំ២០២៤ បានបើកវគ្គបណ្ដុះបណ្ដាលស្ដីពី ការបញ្ជា ប្រើប្រាស់ និងថែទាំគ្រឿងចក្រ ប្រភេទ នីវ៉ាឡ័រ និងរ៉ូឡូ ក្រោមវត្តមាន លោក ប៉ែត សារ៉ាត់ អនុប្រធានមន្ទីរ និងមានការចូលរួមពីសំណាក់ លោកប្រធាន អនុប្រធានការិយាល័យជំនាញ នៃមន្ទីរសាធារណការ និងដឹកជញ្ជូនខេត្តកណ្ដាល គ្រូឧទ្ទេស មកពីនាយកដ្ឋានគ្រឿងចក្រ និងស្ថាបនាផ្លូវថ្នល់ ក្រសួងសាធារណការ និងដឹកជញ្ជូន និងសិក្ខាកាម សរុបចំនួន ៣៥នាក់។
វគ្គសិក្សានេះមានរយៈពេល១៦ថ្ងៃ ស្មើនឹង ១១៦ម៉ោង មានសិក្ខាកាមជាមន្ត្រី មន្ត្រីជាប់កិច្ចសន្យា និងបុគ្គលិកអណ្ដែត សរុបចំនួន ២៦នាក់ និងមានគ្រូឧទ្ទេសចំនួន ៩នាក់ ក្នុងនោះ ៣នាក់ ជាគ្រូឧទ្ទេសមកពីក្រសួងសាធារណការ និងដឹកជញ្ជូន៕
