ភ្នំពេញ ៖ កងកម្លាំងជំនាញនៃស្នងការនគរបាលរាជធានីភ្នំពេញ នៅព្រឹកថ្ងៃទី៣១ ខែមករា ឆ្នាំ២០២៤ បានបញ្ជូនជនសង្ស័យចំនួន៣នាក់ ជាមន្ត្រីប៉ុស្តិ៍នគរបាលរដ្ឋបាលស្ទឹងមានជ័យ៣ ចំនួន១នាក់ រួមនិងជនក្លែងបន្លំជាប្រជាការពារចំនួន២នាក់ទៀត ទៅតុលាការ ដើម្បីចាត់ការតាមនីតិវិធី ពីបទគំរាមកំហែង យកប្រាក់ពីប្រជាពលរដ្ឋកាលពីថ្ងៃ២៥ មករា នៅចំណុចស្ថាននីយ៍ប្រេងឥន្ធនៈតេលា លូប្រាំ លើផ្លូវវេងស្រេង៕



