ភ្នំពេញ៖ លោកសង្ឃមួយអង្គ គង់នៅ វត្តលើភ្នំស្វាយ នៃភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ បានរងរបួស ដោយសារការផ្ទុះគ្រាប់យុទ្ធភណ្ឌ ដែលជាសំណល់សង្គ្រាម។
យោងតាមហ្វេសប៊ុក លោក ហេង រតនា អគ្គនាយកនៃមជ្ឈមណ្ឌលសកម្មភាពកំចាត់មីនកម្ពុជា (CMAC) បានអោយដឹងថា នៅល្ងាចថ្ងៃទី១៨ ខែកុម្ភៈ ឆ្នាំ២០២៤ មានករណីផ្ទុះគ្រាប់ នៅបវិវេណវត្តលេីភ្នំស្វាយនៃភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
លោក ហេង រតនា បញ្ជាក់ថា អង្គភាពសុីម៉ាក់ប្រចាំខេត្តបន្ទាយមានជ័យ នឹងបោសសម្អាតគ្រាប់មីន/គ្រាប់បរិវេណវត្តថ្វាយប្រគេនព្រះសង្ឃនិងពុទ្ធបរិស័រ ដេីម្បីធានាសុខសុវត្ថិភាព!! ៕
