ភ្នំពេញ ៖ មន្រ្តីស៊ើបអង្កេតនៃសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ ក.ប.ប. ខេត្តបាត់ដំបង សហការជាមន្រ្តីជំនាញគយចល័តតំបន់៤ ស្ថិតនៅតំបន់អូរតាគី នាថ្ងៃថ្ងៃទី១ ខែមីនា ឆ្នាំ២០២៤ បានធ្វើការត្រួតពិនិត្យលើឆ្អឹងជំនីជ្រូក និងជើងជ្រូកបង្កកដែលបាននាំចូល ហើយមន្រ្តីជំនាញសាខា ក.ប.ប. ខេត្តបាត់ដំបង ពិនិត្យរួចឃើញថា សាច់បង្កកនេះមានលក្ខណៈ មិនសមស្របតាមស្តង់ដាសាច់បង្កកឡើយ។
![](https://dap-news.com/wp-content/uploads/2024/03/430609351_803571918479289_5637238104626127885_n-1024x768.jpg)
បន្ទាប់ពីបានធ្វើការពិនិត្យរួចឃើញថាមិនមានលក្ខណៈសមស្រប មន្រ្តីជំនាញសាខា ក.ប.ប. ខេត្តបាត់ដំបង និងមន្រ្តីជំនាញគយចល័តតំបន់៤ បានធ្វើការដុតកម្ទេចចោលនូវឆ្អឹងជំនីជ្រូក និងជើងជ្រូកបង្កក ចំនួន ២តោន ៣៥២ គីឡូក្រាម តាមនីតិវិធី។
![](https://dap-news.com/wp-content/uploads/2024/03/430040327_803571921812622_5714543704098774698_n-1024x768.jpg)
ការដុតកម្ទេចនេះស្ថិតក្រោម ការសម្របសម្រួលពីលោក ទុត វីនីត ព្រះរាជអាជ្ញារង នៃអយ្យការអមសាលាដំបូងខេត្ត និងមានការចូលរួមពីមន្រ្តីជំនាញគយចល័តតំបន់៤ និងអាជ្ញាធរដែនដីផងដែរ ៕
![](https://dap-news.com/wp-content/uploads/2024/03/430495501_803571915145956_7079326146287268766_n-1024x768.jpg)
![](https://dap-news.com/wp-content/uploads/2024/03/430045771_803571885145959_1997311527489734014_n-1024x578.jpg)
![](https://dap-news.com/wp-content/uploads/2024/03/430550584_803571881812626_2783824925720923919_n-1024x768.jpg)
![](https://dap-news.com/wp-content/uploads/2020/08/1-1.png)