តូក្យូ៖ ក្រុមអ្នកស្រាវជ្រាវជប៉ុនបានឲ្យដឹង ពួកគេបានសាងសង់ដោយជោគជ័យ នូវផ្កាយរណបឈើដំបូងបង្អស់របស់ពិភពលោក ដោយវត្ថុរាងជាគូបតូចត្រូវបានគេរំពឹងថា នឹងបញ្ជូនទៅកាន់ទីអវកាសនៅលើគ្រាប់រ៉ុក្កែត SpaceX ដែលបាញ់ចេញពីសហរដ្ឋអាមេរិក ប្រហែលជានៅក្នុងខែកញ្ញា។
“LignoSat” ដែលជាការលាយបញ្ចូលគ្នានៃពាក្យ ligno ដែលជាបុព្វបទមានន័យថា ឈើ និងផ្កាយរណប គឺជាលទ្ធផលនៃ កិច្ចខិតខំប្រឹងប្រែងអភិវឌ្ឍន៍ប្រហែល ៤ឆ្នាំដោយក្រុម ដែលចូលរួមជាមួយសាកលវិទ្យាល័យ Kyoto និង Sumitomo Forestry Co. ដោយមានគោលបំណង ប្រើប្រាស់មិត្តភាពបរិស្ថាន និង ការចំណាយទាបនៃឈើក្នុងការអភិវឌ្ឍន៍លំហ។
ផ្កាយរណបធ្វើពីឈើត្រូវបានគេ មើលឃើញថាមានភាពល្អប្រសើរ សម្រាប់បរិស្ថាននៅពេលឆេះនៅពេលចូលបរិយាកាសផែនដី ឡើងវិញនៅចុងបញ្ចប់នៃប្រតិបត្តិការរបស់វា បើប្រៀបធៀបទៅនឹងផ្កាយរណបធម្មតា ដែលធ្វើពីលោហធាតុព្រោះវា អាចបង្កើតភាគល្អិតអាមីញ៉ូម ដែលអាចប៉ះពាល់យ៉ាងធ្ងន់ធ្ងរដល់អាកាសធាតុ និងទំនាក់ទំនង។ ក្រុម។
សាកលវិទ្យាល័យក្យូតូ និងក្រុមហ៊ុនផលិតផលឈើ ដែលមានមូលដ្ឋាននៅទីក្រុងតូក្យូ បាននិយាយនៅក្នុងសេចក្តីប្រកាស ព័ត៌មានរួមរបស់ពួកគេ ដោយកត់សម្គាល់ថា ការអភិវឌ្ឍន៍ចុងក្រោយគឺជា “ជំហានដ៏មានតម្លៃបំផុតសម្រាប់ទាំងអវកាស និងឧស្សាហកម្មឈើ” ដែលជាធនធានប្រកបដោយនិរន្តរភាព”។
LignoSat គឺជាគូបទំហំ ១០សង់ទីម៉ែត្រដែលធ្វើពីបន្ទះឈើ Magnolia កម្រាស់ ៤ ទៅ ៥,៥ មិល្លីម៉ែត្រ ជាមួយនឹងស៊ុមមួយផ្នែក ដែលសាងសង់ពីអាលុយមីញ៉ូម។ វាមានបន្ទះស្រូបពន្លឺព្រះអាទិត្យជាប់នៅផ្នែកខ្លះ ហើយមានទម្ងន់ប្រហែល ១ គីឡូក្រាម ៕
ប្រែសម្រួល ឈូក បូរ៉ា
