ពោធិ៍សាត់៖ ជនសង្ស័យ ៤ នាក់ត្រូវបានកម្លាំងនគរបាលក្រុងពោធិ៍សាត់ សហការជាមួយកម្លាំងនគរបាលប៉ុស្តិ៍រដ្ឋបាលស្វាយអាត់ ស្រាវជ្រាវឈានដល់ការចាប់ខ្លួន បានកាលពីវេលាម៉ោង ៩ និង ៥០ នាទីថ្ងៃទី ៧ ខែ កក្កដា ឆ្នាំ ២០២៤ពាក់ព័ន្ធនឹងបទលួចគ្មានស្ថានទម្ងន់ទោសកាលពីថ្ងៃទី ៥ ខែ កក្កដា ឆ្នាំ ២០២៤កន្លងទៅនេះ។
ស្នងការរងទទួលផែនការងារនគរបាលព្រហ្មទណ្ឌ លោកឧត្តមសេនីយ៍ត្រីម៉ូ លីដា បានអោយដឹងថា ជនសង្ស័យទាំង ៤ នាក់ដែលសមត្ថកិច្ចឃាត់ខ្លួនបានរួមមាន:១-ឈ្មោះលឹម ម៉ៅ ភេទប្រុសអាយុ ៣៨ ឆ្នាំរស់នៅភូមិក្រាំងពភ្លាក់ សង្កាត់ស្វាយអាត់ ក្រុងពោធិ៍សាត់,២-ឈ្មោះស៌ុន ចាន់ណេត ភេទប្រុសអាយុ ២៩ ឆ្នាំរស់នៅភូមិក្រាំងពភ្លាក់ សង្កាត់ស្វាយអាត់ ក្រុងពោធិ៍សាត់,៣-ឈ្មោះណប់ ចំរើន ភេទប្រុសអាយុ ១៨ ឆ្នាំរស់នៅភូមិក្រាំងពភ្លាក់ សង្កាត់ស្វាយអាត់ ក្រុងពោធិ៍សាត់ និង ទី ៤ ឈ្មោះវ៉ន រស្មី ភេទប្រុសអាយុ ២០ ឆ្នាំរស់នៅភូមិក្រាំងពភ្លាក់ សង្កាត់ស្វាយអាត់ ក្រុងពោធិ៍សាត់ ខេត្តពោធិ៍សាត់។
លោកស្នងការរងដដែលក៍បានបន្តអោយដឹងទៀតថា នៅចំពោះមុខសមត្ថកិច្ចជនសង្ស័យទាំង ៤ នាក់បានសារភាពថាពួកគេពិតជា បានលួចម៉ូទ័របូមទឹករបស់ពលរដ្ឋ កាលពីថ្ងៃទី៥ ខែ កក្កដា ឆ្នាំ២០២៤កន្លងទៅពិតប្រាកដមែន។
បច្ចុប្បន្នជនសង្ស័យទាំង ៤ នាក់រួមនិងវត្ថុតាងសមត្ថកិច្ច បានកសាងសំណុំរឿងចាត់ការទៅតាមនិតិវិធី ៕
