ភ្នំពេញ ៖ លោកសាស្ត្រាចារ្យ ឈាង រ៉ា រដ្ឋមន្រ្តីក្រសួងសុខាភិបាល នាថ្ងៃ២៣ កក្កដា បានធ្វើបឋកថាលើភាពជាអ្នកដឹកនាំ និងនវានុវត្តន៍ ដោយបាន ផ្តល់សារគន្លឹះ ជូនដល់អ្នកដឹកនាំ គ្រប់ឋានានុក្រម អំពីកត្តាកំណត់ភាព ជោគជ័យ ក្នុងការដឹកនាំអង្គភាព និង ការពង្រឹងការងារ បច្ចេកទេសថែទាំព្យាបាល ជាមួយការ រកឲ្យឃើញ កត្តាប្រឈម ដែលជាឱកាសរៀនសូត្រ និងធ្វើការអភិវឌ្ឍខ្លួន នៅតាមមូលដ្ឋាន សុខាភិបាល តាមប្រព័ន្ធវីដេអូសន្និសីទ ដែលមានសមាសភាព ចូលរួមសរុបចំនួន ៤០៧២នាក់។
![](https://dap-news.com/wp-content/uploads/2024/07/photo_2024-07-24_09-55-43-1024x576.jpg)
ជាកិច្ចចាប់ផ្តើម សាស្ត្រាចារ្យរដ្ឋមន្ត្រី បានបង្ហាញចំណាប់អារម្មណ៍ លើការងារចុះ ពិនិត្យមូលដ្ឋាន សុខាភិបាលនាពេលថ្មីៗនៅខេត្តក្រចេះ ស្ទឹងត្រែង រតនគិរី មណ្ឌលគិរី និងត្បូងឃ្មុំ ។ សាស្រ្តាចារ្យរដ្ឋមន្រ្តី បានវាយតំលៃខ្ពស់ ចំពោះការខិតខំប្រឹងប្រែង របស់មន្រ្តីសុខាភិបាល និងបានលើកយកមណ្ឌល សុខភាពពូជ្រៃ នៃខេត្តមណ្ឌលគិរី និង មណ្ឌលសុខភាពថ្មគ្រែ នៃខេត្តក្រចេះ ជាឧទាហរណ៍សម្រាប់ធ្វើជាគំរូល្អ នៅក្នុងការងាររក្សាអនាម័យ និងការរៀបចំមណ្ឌលសុខភាព ។ សាស្រ្តចារ្យក៏បង្ហាញនូវការគាំទ្រ នឹងជំរុញឲ្យថ្នាក់ដឹកនាំមូលដ្ឋាន បន្តរពង្រឹងឬបង្កើន សមត្ថភាពថែមទៀត ។
![](https://dap-news.com/wp-content/uploads/2024/07/photo_2024-07-24_09-55-47-1024x640.jpg)
នៅក្នុងបទបឋកថា សាស្ត្រាចារ្យរដ្ឋមន្ត្រី ចែករំលែកបទពិសោធន៍ នៃការដឹកនាំ ភាពប្រឈម និងកត្តាដែលធ្វើឲ្យជោគជ័យ។ ជារួមអ្នកដឹកនាំគ្រប់រូប ត្រូវប្រកាន់យកឥរិយាបទ ៖ (១)ធ្វើជាគំរូ (២)ផ្តល់ប្រឹក្សា និង(៣) ជាអ្នកជួយគាំទ្រ ដល់សមាជិក ក្រុមទាំងអស់ ដើម្បីបង្កើតក្រុមការងារ ដែលមានប្រសិទ្ធភាព ។
![](https://dap-news.com/wp-content/uploads/2024/07/photo_2024-07-24_09-55-52-1024x640.jpg)
ដោយមានការអនុញ្ញាត ពីសាស្រ្តាចារ្យ មន្ទីរពេទ្យខេត្តស្ទឹងត្រែង ក៏បានចូលរួមធ្វើបទ បង្ហញពីការប្រើប្រាស់ PDIA សម្រាប់កាត់បន្ថយ របួសក្លាយ រោគលើអ្នកជំងឺវះកាត់នៅផ្នែកវះកាត់ ឲ្យនៅទាបបំផុត ត្រឹមចុងឆ្នាំ២០២៤៕
![](https://dap-news.com/wp-content/uploads/2024/07/photo_2024-07-24_09-55-58-1024x576.jpg)
![](https://dap-news.com/wp-content/uploads/2024/07/photo_2024-07-24_09-56-02-1024x576.jpg)
![](https://dap-news.com/wp-content/uploads/2024/07/photo_2024-07-24_09-56-07-1024x640.jpg)
![](https://dap-news.com/wp-content/uploads/2024/07/photo_2024-07-24_09-56-12-1024x640.jpg)
![](https://dap-news.com/wp-content/uploads/2024/07/photo_2024-07-24_09-56-19-1024x640.jpg)
![](https://dap-news.com/wp-content/uploads/2024/07/photo_2024-07-24_09-56-24-1024x640.jpg)
![](https://dap-news.com/wp-content/uploads/2020/08/1-1.png)