ភ្នំពេញ ៖ ថ្នាក់ដឹកនាំចំនួន២រូប ជាតំណាងដ៏ខ្ពង់ខ្ពស់លោក ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានចុះជួបសំណេះសំណាល ពិនិត្យមើលការងារ និងទទួលទានអាហារថ្ងៃត្រង់ ជាមួយបងប្អូនកម្មករនិយោជិត និងពិភាក្សាការងារជាមួយតំណាងនិយោជករោងចក្រចំនួន២ទីតាំង ក្នុងខណ្ឌកំបូល រាជធានីភ្នំពេញនៅថ្ងៃទី២៥ ខែកក្កដា ឆ្នាំ២០២៤ ។
![](https://dap-news.com/wp-content/uploads/2024/07/IMG_20240726_082057_796-1024x768.jpg)
កម្មវិធីចុះសំណេះសំណាល និងទទួលទានអាហារថ្ងៃត្រង់ជាមួយបងប្អូនកម្មករនិយោជិតនេះ មានរោងចក្រ MINEBEA (CAMBODIA) CO.,LTD. ស្ថិតក្នុងសង្កាត់ភ្លើងឆេះរទេះ ខណ្ឌកំបូល ដឹកនាំដោយលោក កុយ ទេពដារាវុធ អនុរដ្ឋលេខាធិការនៃក្រសួងការងារ និងបណ្តុះបណ្តាលវិជ្ជាជីវៈ, និងរោងចក្រ SUMI (CAMBODIA) WIRING SYSTEMS CO.,LTD. ដឹកនាំដោយ លោក មឿន ហុក អនុរដ្ឋលេខាធិការ។
![](https://dap-news.com/wp-content/uploads/2024/07/IMG_20240726_082057_819-1024x768.jpg)
នៅក្នុងជំនួបពិភាក្សាជាមួយតំណាង និយោជករោងចក្រ និងទទួលទានអាហារថ្ងៃត្រង់ ជួបសំណេះសំណាល សាកសួរផ្ទាល់ជាមួយបងប្អូនកម្មករនិយោជិតនៅក្នុងរោងចក្រ MINEBEA (CAMBODIA) CO.,LTD. រួចមក លោក កុយ ទេពដារាវុធ បានវាយតម្លៃថា ស្ថានភាព នៃការបំពេញការងាររបស់ងប្អូនកម្មករនិយោជិត រួមនិងទំនាក់ទំនង វិជ្ជាជីវៈរវាងនិយោជកនិងកម្មករនិយោជិតប្រមាណ៧ ៧ ៧០០នាក់ ដែលកំពុងបំពេញការងារនៅក្នុងរោងចក្រ MINEBEA (CAMBODIA) CO.,LTD. មានភាពល្អប្រសើរ ។
![](https://dap-news.com/wp-content/uploads/2024/07/IMG_20240726_082058_132-1024x768.jpg)
លោក ថ្លែងអំណរគុណទៅ ដល់ម្ចាស់រោងចក្រ ដែលបានគោរពតាមច្បាប់ការងារយ៉ាងខ្ជាប់ខ្ជួន និងអនុវត្តនូវស្តង់ដាការងារ បានយ៉ាងល្អថែមទាំង បានផ្តល់អត្ថប្រយោជន៍ជាច្រើន ទៅតាមគោលការណ៍ របស់រាជរដ្ឋាភិបាល បានកំណត់ក្នុងការ ផ្តល់អត្ថប្រយោជន៍ ដល់បងប្អូនកម្មករនិយោជិតផងដែរ ។ ក្នុងនោះក្រៅពីការផ្តល់ ប្រាក់ឈ្នួលអប្បបរមា ២០៤ដុល្លារ
រោងចក្រក៏ផ្តល់ប្រាក់រង្វាន់ ធ្វើការទៀងទាត់ ប្រាក់សោហ៊ុយធ្វើដំណើរ ប្រាក់រង្វាន់អតីតភាពការងារ ប្រាក់ថែមម៉ោង និងថ្ងៃឈប់សម្រាកប្រចាំឆ្នាំ១៨ថ្ងៃ ។ ចំពោះកម្មការិនីមានកូនតូច រោងចក្រក៏មានបន្ទប់រក្សាទុកទឹកដោះម្តាយ និងមានដៃគូទារកដ្ឋានក្បែរតំបន់ ដែលការចំណាយថ្លៃមើលថែទារកជាបន្ទុករបស់និយោជករោងចក្រ។ បន្ថែមពីនេះ រោងចក្រមានអាហារដ្ឋានចំនួន ២អាគារ សម្រាប់កម្មករនិយោជិត ទទួលទានអាហារថ្ងៃត្រង់, មានគិលានដ្ឋាន, អាគារស្នាក់នៅ សម្រាប់កម្មករនិយោជិត ដែលការចំណាយ ជាបន្ទុករបស់និយោជក ។
![](https://dap-news.com/wp-content/uploads/2024/07/IMG_20240726_082058_279-1024x768.jpg)
រោងចក្រ MINEBEA (CAMBODIA) CO.,LTD. ជារោងចក្រផលិតគ្រឿងបង្គុំម៉ាស៊ីន បង្គុំគ្រឿងអេឡិចត្រូនិក និងតំឡើងគ្រឿងអេឡិចត្រូនិក នាំចេញទៅកាន់ប្រទេសជប៉ុន សិង្ហបុរី ហ្វីលីពីន វៀតណាម កូរ៉េ អាម៉េរិក អាលឺ្លម៉ង់ បារាំង។
![](https://dap-news.com/wp-content/uploads/2024/07/IMG_20240726_082058_331-1024x768.jpg)
ដោយឡែក ក្នុងការ ចុះជួបពិភាក្សា ការងារជាមួយតំណាងនិយោជក និងសាកសួរសុខទុក្ខផ្ទាល់ ជាមួយបងប្អូនកម្មករ និយោជិតប្រមាណ ៤ ៨០០នាក់ នៅរោងចក្រ SUMI (CAMBODIA) WIRING SYSTEMS CO.,LTD. លោក មឿន ហុក បានពិនិត្យដោយផ្ទាល់ពីដំណើរ ការផលិតកម្ម ក្នុងរោងចក្រ និងបានទទួលទានអាហាថ្ងៃត្រង់ ជាមួយបងប្អូនកម្មករ និយោជិត នៅក្នុងបរិយាកាសដ៏មានភាពស្និទ្ធស្នាល ។
![](https://dap-news.com/wp-content/uploads/2024/07/IMG_20240726_082058_533-1024x768.jpg)
លោក មឿន ហុក បានពិនិត្យ ឃើញថា ម្ចាស់រោងចក្របានអនុវត្តលក្ឌខណ្ឌការងារ រួមនិងអត្ថប្រយោជន៍ផ្សេងៗ ជូនបងប្អូនកម្មករនិយោជិតបានត្រឹមត្រូវ និងលើសពីច្បាប់ការងារបានកំណត់ទៀតផង។ ក្នុងនោះ រោងចក្រផ្តល់អាហារពីរពេលដល់កម្មករនិយោជិត, ផ្តល់កន្លែងស្នាក់នៅ, ផ្តល់ប្រាក់ឈ្នួលតាមច្បាប់ប្រកាស, ប្រាក់រង្វាន់ធ្វើទៀងទាត់១០ដុល្លារក្នុងមួយខែ, ប្រាក់រង្វាន់អតីតភាពការងារ, និងសោហ៊ុយធ្វើដំណើរអនុវត្តតាមប្រកាស, ជាដើម។
![](https://dap-news.com/wp-content/uploads/2024/07/IMG_20240726_082106_407-1-1024x683.jpg)
គួរបញ្ជាក់ថា ការចុះសួរសុខទុក្ខបងប្អូន កម្មករនិយោជិត ដោយផ្ទាល់នៅតាមរោងចក្រនេះ គឺជាការគិតគូរយកចិត្តទុកដាក់ ពីសំណាក់រាជរដ្ឋាភិបាលកម្ពុជា អាណត្តិទី៧ ដែលដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ទៅលើបងប្អូនកម្មករនិយោជិតនៅតាមរោងចក្រ សហគ្រាសទាំងអស់នៅទូទាំងប្រទេស ធ្វើយ៉ាងណាផ្សារភ្ជាប់ ទំនាក់ទំនងកាន់តែជិតស្និតរវាងរដ្ឋាភិបាល ជាមួយបណ្តាម្ចាស់រោង ចក្រសហគ្រាស ជាពិសេសនោះគឺសុខទុក្ខ របស់បងប្អូនកម្មករនិយោជិត ដែលរដ្ឋាភិបាលតែងតែគិតគូរជានិច្ច៕
![](https://dap-news.com/wp-content/uploads/2024/07/IMG_20240726_082106_486-1024x683.jpg)
![](https://dap-news.com/wp-content/uploads/2024/07/IMG_20240726_082106_816-1024x683.jpg)
![](https://dap-news.com/wp-content/uploads/2024/07/IMG_20240726_082106_911-1024x683.jpg)
![](https://dap-news.com/wp-content/uploads/2024/07/IMG_20240726_082107_255-1024x682.jpg)
![](https://dap-news.com/wp-content/uploads/2020/08/1-1.png)