ពោធិ៍សាត់: នៅយប់ថ្ងៃទី ២៣ ខែ កញ្ញា ឆ្នាំ ២០២៤កម្លាំងសមត្ថកិច្ចសង្កាត់រដ្ឋបាលជលផល កណ្ដៀង ដឹកនាំដោយ លោក ហុក ម៉េងអាន នាយរងផ្នែកក្រគរ សហការជាមួយ យោធាខេត្ត បានចេញប្រតិបត្តិការ ត្រួតពិនិត្យ ទប់ស្កាត់ និង បង្រ្កាបបទល្មើសជលផល នៅចំណុច ខាងលិចជ្រោយតាគុត ភូមិរាំងទិល ឃុំរាំងទិល ស្រុកកណ្ដៀង ខេត្ត ពោធិ៍សាត់។
ជាលទ្ធផលបង្រ្កាបបានចំនួន ០១ ករណី នេសាទដោយឧបករណ៍ឈ្នក់(ឆ្នុក)រួមផ្សំអំពូល ភ្លើង ឧបករណ៍ខុសច្បាប់រួមមាន÷
– អាគុយចំនួន ០៤ គ្រឿង
– អំពូលភ្លើងចំនួន ០៤ អំពូល
– ប្រដាប់បំលែងភ្លើង(អាំងវែកទ័រ)ចំនួន ០៤ គ្រឿង
– ខ្សែភ្លើងប្រវែង ៤០ ម៉ែត្រ
– ខ្សែរួមផ្សំប្រវែង ២០០ ម៉ែត្រ។
រហូតដល់ព្រឹកថ្ងៃទី ២៤ ខែ កញ្ញា ឆ្នាំ ២០២៤កម្លាំងសមត្ថកិច្ចសង្កាត់រដ្ឋបាលជលផល កណ្ដៀង ដឹកនាំដោយ លោក ហុក ម៉េងអាន នាយរងផ្នែកក្រគរ សហការជាមួយ នគរបាលប្រឆាំងបទល្មើសសេដ្ឋកិច្ចខេត្ត និងយោធាខេត្ត កម្លាំងសរុប ៧នាក់ មធ្យោបាយធ្វើដំណើរកាណូតចំនួន ២ គ្រឿង បានចេញប្រតិបត្តិការ ត្រួតពិនិត្យ ទប់ស្កាត់ និងបង្រ្កាបបទល្មើសជលផល នៅចំណុចចាប់ពីផាត់សណ្ដោងរហូតដល់ជ្រោយតាកែវ ភូមិរាំងទិល ឃុំរាំងទិល ស្រុកកណ្ដៀង ខេត្តពោធិ៍សាត់។
ជាលទ្ធផលបង្រ្កាបបានចំនួន ០១ករណី ឧបករណ៍ខុសច្បាប់រួមមាន÷
– របាំងសាច់អួនក្រឡាល្អិតចំនួន ៥ ខ្សែ ប្រវែង ១៦០០ ម៉ែត្រ
– ក្បាលបរចំនួន ២ គ្រឿង
– លូកងសាច់អួនចំនួន ៧ មាត់
– បង្គោលចំនួន ៥៤០ ដើម
– ចាក់លែងត្រីចំរុះទម្ងន់ ២៥ គីឡូក្រាម៕
