ភ្នំពេញ៖ អ្នកទេសចរណ៍កម្ពុជា-ចិន អាចនឹងទទួលបានការលើកលែងទិដ្ឋាការនៅក្នុងឆ្នាំ២០២៥ ខាងមុខ ដើម្បីទាក់ទាញនិងជំរុញភ្ញៀវទេសចរណ៍ ឱ្យកាន់តែច្រើនបន្ថែមទៀត ។ នេះបើតាមការឱ្យដឹង ពីអ្នកវិនិយោគដ៏ធំរបស់ចិន មួយ នៅខេត្តព្រះសីហនុ លើវិស័យទេសចរណ៍ បាននិយាយប្រាប់មជ្ឍមណ្ឌលព័ត៌មានដើមអម្ពិល។
ចំពោះប្រធានបទពាក់ព័ន្ធវិស័យទេសចរណ៍រវាងកម្ពុជា-ចិន (តំបន់សមុទ្រ ភ្នំពេញ សៀមរាប)នេះ លោក សយ សុភាព នឹងលើកយកមកធ្វើអត្ថាធិប្បាយលម្អិត នៅក្នុងកម្មវិធី«សន្ទនាថ្ងៃចន្ទ Monday Talk» នៅវេលាម៉ោង១០និង៨នាទីព្រឹក ថ្ងៃទី២១ ខែតុលា ឆ្នាំ២០២៤ខាងមុខ ។
តែទោះបីជាយ៉ាងណា ចំពោះការលើកលែងទិដ្ឋាការនេះ មិនទាន់មានការបញ្ជាក់ផ្លូវការណាមួយ ពីសំណាក់រាជរដ្ឋាភិបាលនៃប្រទេសទាំងពីរនៅឡើយទេ គិតត្រឹមថ្ងៃទី១៩ ខែតុលា ឆ្នាំ២០២៤នេះ៕
