ទូលព្រះបង្គំជាខ្ញុំ យឿន យឿត សូមព្រះបរមរាជានុញ្ញាត ថ្វាយព្រះពរ អង្គព្រះមហាក្សត្រ ក្នុងឱកាសមហា នក្ខត្តឬក្សឧត្ដុង្គឧត្ដម នៃព្រះរាជពិធីគម្រប់ខួប២០ព្រះវស្សា នៃការយាងគ្រង ព្រះបរមសិរីរាជសម្បត្តិ

ភ្នំពេញ ៖ សូមព្រះបារមីព្រះមហាសេ្វតច្ឆត្រ និងវត្ថុស័ក្តិសិទ្ធិក្នុងលោកប្រោសប្រទាន ពរជ័យ សិរីមង្គល ថ្វាយ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងព្រះរាជវរោកាសជយាភិរម្យនៃព្រះរាជពិធីបុណ្យខួបលើកទី២០ នៃការយាងគ្រង ព្រះបរមសិរីរាជសម្បត្តិ (២៩ តុលា ២០០៤ – ២៩ តុលា ២០២៤) ទូលព្រះបង្គំជាខ្ញុំ យឿន យឿត ទីប្រឹក្សារាជដ្ឋាភិបាលកម្ពុជា ឋាន:ស្មើរដ្ឋមន្ត្រី និងជាទីប្រឹក្សាសម្តេចតេជោ ហ៊ុន សែន ប្រធានគណបក្សប្រជាជនកម្ពុជា សូមព្រះបរមរាជានុញ្ញាត​ លំអោនកាយវាចាចិត្ត ​ក្រាបបង្គំទូលថ្វាយ​ ព្រះករុណាជាអម្ចាស់ជីវិ​តលើត្បូង ជាទីគោរព សក្ការដ៏ខ្ពង់ខ្ពស់បំផុត​ សូមបានសមប្រកប ដោយព្រះពុទ្ធពរដ៏ប្រសើរថ្លៃថ្លាបំផុតគឺ អាយុ វណ្ណៈ សុខៈ ពលៈ កុំបីឃ្លៀងឃ្លាត ឡើយ ដើម្បីគង់ប្រថាប់ នៅក្នុងព្រះបរមសិរីរាជសម្បត្តិ ជាម្លប់ដ៏ត្រជាក់ត្រជំសម្រាប់ប្រជារាស្រ្តខ្មែរជានិច្ចនិរន្តរ៍តទៅ ។

ទូលព្រះបង្គំជាខ្ញុំ សូមក្រាបបង្គំទូលថ្វាយនូវព្រះសព្វសាធុការពរជ័យសិរីមង្គល បវរមហាប្រសើរគ្រប់ប្រការ ប្រកបដោយកតញ្ញុតាធម៌ និងកតវេទិតាធម៌យ៉ាងជ្រាលជ្រៅស្មោះស្ម័គ្របំផុត៕