តូក្យូ៖ ការវាយតម្លៃ សម្រាប់គណៈរដ្ឋមន្ត្រី របស់នាយករដ្ឋមន្ត្រីជប៉ុន Shigeru Ishiba បានកើនឡើង ៧,៩ភាគរយដល់ ៤០ភាគរយ នេះបើតាមការស្ទង់មតិរបស់កាសែត Kyodo News បានបង្ហាញនៅថ្ងៃអាទិត្យនេះ ដោយទុកឱ្យវានៅតែទាបជាង ការគាំទ្រដំបូងរបស់ខ្លួនដែលមានជាង ៥០ ភាគរយកាលពីជាងមួយខែមុន។
ការស្ទង់មតិតាមទូរស័ព្ទ ដែលបានធ្វើឡើងរយៈពេល ពីរថ្ងៃចាប់ពីថ្ងៃសៅរ៍នេះ បានរកឃើញថា ៦៩,៩ភាគរយនៃអ្នកឆ្លើយតបគាំទ្រ ការពិនិត្យឡើងវិញនូវកម្រិតប្រាក់ចំណូល សម្រាប់ការបង់ពន្ធ ខណៈដែល ៣២,៤ភាគរយ បានឲ្យដឹងថាទំនាក់ទំនងជប៉ុន-អាមេរិក នឹងកាន់តែយ៉ាប់យ៉ឺនបន្ទាប់ពី ប្រធានាធិបតីជាប់ឆ្នោតលោក ដូណាល់ ត្រាំ ចូលកាន់តំណែង។
ការវាយតម្លៃអនុម័តសម្រាប់គណៈរដ្ឋមន្ត្រីរបស់ Ishiba ឈរនៅ ៥០,៧ភាគរយ មួយថ្ងៃបន្ទាប់ពីការសម្ពោធរបស់លោក នៅថ្ងៃទី១ ខែតុលា ប៉ុន្តែគណបក្សសេរីប្រជាធិបតេយ្យ ដែលកំពុងកាន់អំណាចរបស់លោក បានរងបរាជ័យយ៉ាងធ្ងន់ធ្ងរ នៅក្នុងការបោះឆ្នោតសកលកាលពីថ្ងៃទី២៧ ខែតុលា។
លោកត្រូវបានជ្រើសរើស ជានាយករដ្ឋមន្ត្រីឡើងវិញនៅក្នុងសម័យប្រជុំសភា ពិសេសកាលពីថ្ងៃចន្ទសប្តាហ៍មុន បើទោះបីជា LDP របស់លោកនិងគណបក្សសម្ព័ន្ធយុវជន Komeito បានបាត់បង់ការគ្រប់គ្រងភាគច្រើនរបស់ពួកគេ នៅក្នុងសភាជាន់ទាបនៅក្នុង ការបោះឆ្នោតក៏ដោយ។
នាយករដ្ឋមន្ត្រីដែលបច្ចុប្បន្ន ដឹកនាំរដ្ឋាភិបាលជនជាតិភាគតិច គ្រោងនឹងសហការគ្នា លើមូលដ្ឋាននយោបាយមួយ ជាមួយគណបក្សប្រឆាំងដូចជា គណបក្សប្រជាធិបតេយ្យ ដើម្បីប្រជាជន ដែលធ្វើយុទ្ធនាការដំឡើងកម្រិតពន្ធលើប្រាក់ចំណូល ដើម្បីបង្កើនប្រាក់ចំណូល សម្រាប់ការបោះឆ្នោត៕
ប្រែសម្រួល ឈូក បូរ៉ា
