សម្តេចធិបតី ៖ ក្នុងនាមជាប្រទេសតូច មហិច្ឆតារបស់យើងមិនមែនកម្លាំងយោធាទេ ប៉ុន្តែគឺក្នុងការបង្កើតសន្តិភាព

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានគូសបញ្ជាក់ថា ក្នុងនាមជាប្រទេសតូច មហិច្ឆតារបស់យើង មិនមែនជាកម្លាំងយោធាទេ ប៉ុន្តែគឺក្នុងការបង្កើតសន្តិភាព ។

ប្រសាសន៍របស់សម្តេចធិបតី ខាងលេីនេះ ធ្វេីឡេីងក្នុងឱកាសថ្លែងសុន្ទរថាគន្លឺះ នាកិច្ចប្រជុំគណៈកម្មាធិការប្រតិបត្តិ IDC-CDI នៅខេត្តសៀមរាប ថ្ងៃទី១៨ ខែវិច្ឆិកា ឆ្នាំ២០២៤នេះ ។

ក្នុងនោះសម្តេចធិបតី មានប្រសាសន៍ថា “ខ្ញុំទទួលស្គាល់ថា IDC-CDI បានក្លាយជាសហគមន៍ស្នូល ដែលត្រូវបានទទួលស្គាល់ ជាសាកល នៃគណបក្សនយោបាយ ចំនួន១០៩ មកពី ៨៣ប្រទេស ដែលសុទ្ធតែមានឫសគល់ នៅក្នុងប្រពៃណីលទ្ធិប្រជាធិបតេយ្យ និងសាសនាគ្រឹស្ត”។

ជាមួយគ្នានេះសម្តេចធិបតី នាយករដ្ឋមន្ត្រីនៃកម្ពុជា បានសង្កត់ធ្ងន់ថា “ក្នុងនាមជាប្រទេសតូច មហិច្ឆតារបស់យើងមិនមែនជាកម្លាំងយោធាទេ ប៉ុន្តែគឺក្នុងការបង្កើតសន្តិភាព។ យ៉ាងណាមិញ យើងគ្រាន់ តែស្វែងរកការរស់នៅ ក្នុងសន្តិភាព ដើម្បីរីកចម្រើនជារដ្ឋអធិបតេយ្យ ជាមួយនឹងភ្នាក់ងារ និងបូរណភាពទឹកដីរបស់យើង។ CPP រួមជាមួយ IDC-CDI ពិតជាមានមោទនភាព ក្នុងការដោះស្រាយបញ្ហាប្រឈម ក្នុង តំបន់ និងជំរុញកិច្ចខិតខំប្រឹងប្រែង កសាងសន្តិភាព ស្របតាមគុណតម្លៃ និងគោលការណ៍ប្រជាធិបតេយ្យ ស្នូលរបស់ IDC-CDI”៕