តេអេរ៉ង់៖ អ្នកនាំពាក្យក្រសួងការបរទេសអ៊ីរ៉ង់ បានឲ្យដឹងថា អ៊ីរ៉ង់នឹងជួបពិភាក្សាជាមួយអង់គ្លេស បារាំង និងអាល្លឺម៉ង់នៅថ្ងៃសុក្រនេះ ជាមួយនឹងប្រទេស ដែលគេជឿថា កំពុងស្វែងរកការស្តារឡើងវិញ នូវកិច្ចព្រមព្រៀងនុយក្លេអ៊ែរឆ្នាំ២០១៥ ដែលជាប់គាំងរបស់ពួកគេ។
ប្រភពបានឲ្យដឹងថា កិច្ចពិភាក្សាអនុរដ្ឋមន្ត្រីគ្រោងនឹង ប្រព្រឹត្តទៅនៅទីក្រុងហ្សឺណែវ ហើយសហភាពអឺរ៉ុបក៏នឹងចូលរួមផងដែរ។ កិច្ចពិភាក្សានឹងធ្វើឡើងស្របពេល ដែលប្រធានាធិបតីជាប់ឆ្នោតលោក ដូណាល់ ត្រាំ ត្រលប់មកសេតវិមានក្នុងខែមករា។
លោក ត្រាំ បានដកខ្លួនចេញពីកិច្ចព្រមព្រៀង ក្នុងអំឡុងពេលរដ្ឋបាលដំបូងរបស់លោក ក្នុងឆ្នាំ២០១៨ ។ អ៊ីរ៉ង់ បានប្រឆាំងនឹងការផ្លាស់ប្តូររបស់សហរដ្ឋអាមេរិក ដោយបង្កើនសកម្មភាពនុយក្លេអ៊ែររបស់ខ្លួន លើសពីដែនកំណត់ ដែលបានកំណត់នៅក្នុងកិច្ចព្រមព្រៀង។
កិច្ចចរចាដែលបានគ្រោងទុករវាងប្រទេសអ៊ីរ៉ង់ ប្រជាជាតិអឺរ៉ុបទាំងបី និងសហភាពអឺរ៉ុប ដែលដើរតួជាអ្នកសម្រុះសម្រួល នឹងក្លាយជាកិច្ចចរចានុយក្លេអ៊ែរលើកដំបូង របស់ប្រទេសចាប់តាំងពីលោក Masoud Pezeshkian ប្រធានាធិបតីកំណែទម្រង់ចូល កាន់តំណែងកាលពីចុងខែកក្កដា ដើម្បីស្នងតំណែងលោក Ebrahim Raisi ដែលបានទទួលមរណភាពក្នុងឧបទ្ទវហេតុ ធ្លាក់ឧទ្ធម្ភាគចក្រនៅខែឧសភា។
នៅក្នុងកិច្ចពិភាក្សានោះ ប្រធានបទត្រូវបានគេរំពឹងថា នឹងរួមបញ្ចូលកម្មវិធីនុយក្លេអ៊ែររបស់អ៊ីរ៉ង់ ការដាក់ទណ្ឌកម្មរបស់ប្រទេសអ៊ឺរ៉ុប លើក្រុមហ៊ុនអាកាសចរណ៍ និងក្រុមហ៊ុនដឹកជញ្ជូនរបស់អ៊ីរ៉ង់ និងការបង្កើនភាពតានតឹងនៅមជ្ឈិមបូព៌ា។ អនុរដ្ឋមន្ត្រីការបរទេសអ៊ីរ៉ង់ Majid Takht Ravanchi ដែលជាអ្នកចរចានុយក្លេអ៊ែរជើងចាស់ នឹងដឹកនាំគណៈប្រតិភូ របស់ប្រទេសនេះនៅទីក្រុងហ្សឺណែវ។
ជាមួយនឹងកិច្ចព្រមព្រៀងនុយក្លេអ៊ែរឆ្នាំ២០១៥ បានវាយប្រហារជាមួយ មហាអំណាចចំនួនប្រាំមួយគឺ អង់គ្លេស ចិន បារាំង អាល្លឺម៉ង់ រុស្ស៊ី និងសហរដ្ឋអាមេរិក – អ៊ីរ៉ង់បានយល់ព្រមក្នុងការទប់ស្កាត់ សកម្មភាពនុយក្លេអ៊ែររបស់ខ្លួនជាថ្នូរ នឹងការដកទណ្ឌកម្មសេដ្ឋកិច្ច៕
ប្រែសម្រួល ឈូក បូរ៉ា
