ឆេះជញ្ច្រាំងក្នុងស្រែ រាលដល់កន្លែងផ្ទុកសម្ភារៈមួយកន្លែង នៅក្រុងច្បារមន

កំពង់ស្ពឺ៖ កន្លែងផ្ទុកសម្ភារ:ត្រូវបានអគិភ័យ ឆាបឆេះរាបដល់ដីស្ថិតក្នុងភូមិស្គុះ សង្កាត់ស្វាយក្រវ៉ាន់ ក្រុងច្បារមន​ ខេត្តកំពង់ស្ពឺកាលពីវេលាម៉ោង៣រសៀល ថ្ងៃទី២៣ ខែមករា ឆ្នាំ២០២៥។

សមត្ថកិច្ចមូលដ្ឋានបានឲ្យដឹងថាកន្លែងផ្ទុកសម្ភារ:មួយកន្លែងដែលមានទំហំ៥ម៉ែត្រគុណ២០ម៉ែត្រ សសរថ្ម ជញ្ជាំងស័ង្កសី ដំបូលប្រក់ស័ង្កសី របស់ឈ្មោះ ហ៊ុយ សារឿន ហៅ យាយស្រួច ភេទស្រី អាយុ៦៣ឆ្នាំ រស់នៅភូមិឃុំកើតហេតុខាងលើ ។

បណ្តាលឲ្យមានការខូចខាតរួមមាន៖១-ទូរដាក់ឯកសារចំនួន៥
២-ម៉ាស៊ីនត្រជាក់ចំនួន៥
៣-ឡាន១គ្រឿងម៉ាកអុីស៊ុយស៊ុយ(សេរីចាស់)
៤-ស្រូវចំនួន១៥បាវ
៥-ជំនូកចំបើង០៥m*១០m កម្ពស់០៣ និងសម្ភារៈមួយចំនួនទៀត ។

ករណីខាងលើនេះមិនបានឲ្យគ្រោះថ្នាក់ដល់មនុស្ស និងសត្វទេ ប្រើប្រាស់កម្លាំងនគរបាលចំនួន ១៧នាក់  ប្រតិបត្តិការសឹករងចំនួន ១២នាក់ ប្រជាការពារ និង ប្រជាពលរដ្ឋចំនួន០៥នាក់ សរុប៣៤នាក់ រថយន្តពន្លត់អគ្គីភ័យចំនួន ០២គ្រឿង ។ រថយន្តអធិការដ្ឋាននគរបាលក្រុងច្បារមន ១គ្រឿង រថយន្តស្នងការដ្ឋាននគរបាលខេត្តកំពង់ស្ពឺ ០១គ្រឿង ប្រើប្រាស់អស់ទឹកចំនួន ០៦រថយន្ត បានរលត់នៅវេលាម៉ោង ៧:១៥នាទីយប់ថ្ងៃដដែល។

សូមបញ្ជាក់ថា មូលហេតុដែលមានអគិភ័យនេះ ផ្តើមឡើងពីកាឆេះជញ្រ្ចាំងក្នុងស្រែប្រហែល ៦០ម៉ែត្រទៅ៨០ម៉ែត្រ ក៏បានរាលដល់ឆេះកន្លែងផ្ទុកសម្ភារ:តែម្តងទៅ ៕
ដោយ៖សុខ សុភ័ណ្ឌ រូបថតអធិការក្រុង