កំពង់ធំ: លោកស្នងការនគរបាលខេត្តកំពង់ធំ លើកឡើងថា ក្នុងនាមជាមន្ត្រីនគរបាលយុត្តិធម៌ ចំពោះការកសាងនីតិវិធី ត្រូវប្រកាន់ខ្ជាប់ ក្រមសីលធម៌ វិជ្ជាជីវៈ មានតម្លាភាព តុល្យភាព។
នាថ្ងៃទី២៤ ខែមករា ឆ្នាំ២០២៥ លោកឧត្តមសេនីយ៍ទោ ហេង សុផល ស្នងការនគរបាលខេត្ត បានអញ្ជើញជាអធិបតីភាពក្នុងពិធីបើកវគ្គបំប៉ន ស្ដីពីនីតិវិធីការអនុវត្តច្បាប់ ចរាចរណ៍ផ្លូវគោក នៅសាលប្រជុំស្នងការដ្ឋាននគរបាលខេត្ត ។
ជាកិច្ចចាប់ផ្តើម លោកឧត្តមសេនីយ៍ទោ ហេង សុផល ស្នងការនគរបាលខេត្ត មានប្រសាសន៍ សំណេះសំណាលថ្លែងអំណរអរគុណ ចំពោះកងកម្លាំងនគរបាលជាតិ ទូទាំងខេត្តកំពង់ធំ ដោយឡែកកម្លាំងនគរបាលចរាចរណ៍ផ្លូវគោក ដែលមានស្នាដៃ គុណបំណាច់ ក្នុងការអនុវត្តតួនាទី/ភារកិច្ច សម្រេចបានលទ្ធផលល្អប្រសើរនាពេលកន្លងមក។
ឆ្លៀតក្នុងឱកាសនោះ លោកឧត្តមសេនីយ៍ ស្នងការ ផ្ដាំផ្ញើដល់សិក្ខាកាមដែលមានខ្លឹមសារដូចតទៅ÷.១-ត្រូវយកចិត្តទុកដាក់ ស្ដាប់ សាកសួរ កត់ត្រា ក្រេបជញ្ជក់ ចំណេះដឹង បទពិសោធន៍ ដែលផ្តល់ដោយគ្រូបង្គោល ដើម្បីពង្រឹងសមត្ថភាពជំនាញវិធានការជំនាញ ដល់បងប្អូន ក្នុងអាជីពជាមន្ត្រីនគរបាលជាតិ។២-សូមបងប្អូនកងកម្លាំង រួមគ្នាគិតរួមគ្នាធ្វើ ពិភាក្សាបញ្ហាប្រឈម ផ្លាស់ប្តូរយោបល់ ចែករំលែកបទពិសោធន៍ ជ្រើសរើសចំនុចល្អៗ សម្រាប់អនុវត្តការងារសុវត្ថិភាពចរាចរណ៍ផ្លូវគោក ឈានទៅសម្រេចបាននូវភាពជោគជ័យ បន្ថែមទៀត តាមផែនការយុទ្ធសាស្ត្រ ដែលបានកំណត់ និងយន្តការ កំណែទម្រង់ របស់ក្រសួងមហាផ្ទៃ រាជរដ្ឋាភិបាលនីតិកាលទី៧ ។
ជាចុងក្រោយលោកស្នងការ សង្ឈឹមជឿជាក់ថា វគ្គបណ្តុះបណ្តាល ថ្ងៃនេះនឹងទទួលបានលទ្ធផលផ្លែផ្កាស្នាដៃថ្មីៗបន្ថែមទៀត ស្របតាមគោលនយោបាយក្រសួងមហាផ្ទៃ និងអគ្គស្នងការដ្ឋាននគរបាលជាតិ។
សូមបញ្ជាក់ថា វគ្គបណ្ដុះបណ្ដាលរយៈពេល០១ថ្ងៃ គ្រូឧទ្ទេសនាមចំនួន០៤ រូប សិក្ខាកាម១០៤នាក់ស្រី០៩នាក់ មេរៀនមានចំនួន០៦មុខវិជ្ជា÷
១. បទវិន័យនគរបាលជាតិកម្ពុជា
២. និតិវិធីអនុវត្តល្បឿន
៣. និតិវិធីអនុវត្តជាតិស្រវឹង
៤. បទបង្ហាញផ្លាកលេខក្លែង
៥. ការពិនិត្យផ្លាកលេខយានយន្ដ
៦. បទបង្ហាញស្ដីពីលក្ខខណ្ឌ នៃការផ្ដល់បណ្ណបើកបរ៕ដោយសំនៀង
