ឧបនាយករដ្ឋមន្ត្រី កើត រិទ្ធ ចេញលិខិតបង្គាប់ការ ទៅព្រះរាជអាជ្ញា ព្រះរាជអាជ្ញារង ២៣នាក់ ឱ្យចូលបង្ហាញខ្លួននៅអង្គភាពសាមី ត្រឹមថ្ងៃទី៣ មីនា ជាកំណត់

ភ្នំពេញ ៖ លោកឧបនាយករដ្ឋមន្ត្រី កើត រិទ្ធ រដ្ឋមន្ត្រីក្រសួងយុត្តិធម៌ នៅថ្ងៃទី២៥ ខែកុម្ភៈ ឆ្នាំ២០២៥បានចេញលិខិតបង្គាប់ការទៅព្រះរាជអាជ្ញា ព្រះរាជអាជ្ញារង ចំនួន ២៣នាក់ ឱ្យចូលបង្ហាញខ្លួន នៅអង្គភាពសាមី យ៉ាងយូរបំផុតត្រឹមថ្ងៃទី៣ ខែមីនា ឆ្នាំ២០២៥ ជាកំណត់។

ក្នុងករណី សាមីខ្លួនអវត្តមាន មិនបានមកបង្ហាញខ្លួន សាមីខ្លួនត្រូវទទួលខុសត្រូវ ចំពោះរាល់វិធានការរដ្ឋបាល៕