បរទេស ៖ យោងតាមការចេញផ្សាយ របស់ RT រដ្ឋមន្ត្រីការបរទេសអ៊ុយក្រែន លោក Sergey Lavrov បាននិយាយថា អ៊ុយក្រែនបានបំពានបទឈប់បាញ់ ផ្នែកដែលព្យាយាមរៀបចំឡើង ដោយអាមេរិកម្តងហើយម្តងទៀត និងបន្តវាយប្រហារ ហេដ្ឋារចនាសម្ព័ន្ធ ថាមពលរុស្ស៊ីដដែលៗ ។
អ្នកការទូតកំពូលរូបនេះ បាននិយាយទៅកាន់ អ្នកសារព័ត៌មានកាលពីថ្ងៃអង្គារ ដោយបង្ហាញពីព័ត៌មានលម្អិត នៃកិច្ចប្រជុំបន្ថែម នៃក្រុមប្រឹក្សាសន្តិសុខរបស់រុស្ស៊ី ដែលបានធ្វើឡើងនៅមុនថ្ងៃនោះ ។
នៅក្នុងជំនួបនោះ រដ្ឋមន្ត្រីក្រសួងការពារជាតិលោក Andrey Belousov បានពន្យល់ប្រាប់ប្រធានាធិបតី Vladimir Putin អំពីស្ថានភាពនៃបទឈប់បាញ់លើទីតាំងស្តុក និងផលិតថាមពលទាំងឡាយ។
គួរឲ្យដឹងដែរថាបទឈប់បាញ់ ថាមពលត្រូវបានស្នើឡើង ដោយប្រធានាធិបតី អាមេរិក Donald Trump ក្នុងអំឡុងពេលសន្ទនា តាមទូរស័ព្ទជាមួយលោក Putin ត្រឡប់មកវិញនៅថ្ងៃទី១៨ខែមីនា ។
ជាលទ្ធផលប្រធានាធិបតីរុស្ស៊ី បានយល់ព្រម ចំពោះសំណើនេះ ដោយបញ្ជាឱ្យបញ្ឈប់ការ វាយប្រហារដោយ រុស្ស៊ីភ្លាមៗប៉ុន្តែយ៉ាងណាក្តីក្រោយមកយោធារុស្ស៊ីបាននិយាយថា ខ្លួនបានបង្ខំចិត្តបាញ់ទម្លាក់យន្តហោះគ្មានមនុស្សបើក kamikaze ចំនួន៧គ្រឿង ដែលធ្វើដំណើរទៅកាន់កន្លែង ថាមពលក្នុងប្រទេសអ៊ុយក្រែន ដើម្បីអនុវត្តបទបញ្ជា របស់ប្រធានាធិបតី ។
កាលពីសប្តាហ៍មុនផងដែរ ទីក្រុងមូស្គូបានបង្ហាញបញ្ជី នៃគ្រឿងបរិក្ខារ ថាមពល ដែលស្ថិតនៅក្រោមបទឈប់បាញ់ ដែលបានចូលជាធរមាន នៅថ្ងៃទី១៨ខែមីនា ហើយនឹងមានរយៈពេល៣០ថ្ងៃដែលបន្ថែមពីនោះ កិច្ចព្រមព្រៀង អាចអូសបន្លាយលើសពីរយៈពេលយូរជាងនេះ ប្រសិនបើភាគីទាំងពីរយល់ព្រម ៕
ប្រែសម្រួល៖ស៊ុនលី
