ភ្នំពេញ ៖ បន្ទាប់ពីសម្រេចការចាក់បេតុងចុងក្រោយ គម្រោងអាគារមជ្ឈមណ្ឌលពាណិជ្ជកម្ម នរោត្តម (Norodom Business Tower) នៅរាជធានីភ្នំពេញ នៃព្រះរាជាណាចក្រកម្ពុជា បានសម្រេចដោយ ជោគជ័យនូវការបិទ បញ្ចប់ការសាងសង់ជាន់ ដំបូលអគារ នៅថ្ងៃទី១៣ ខែមីនា ឆ្នាំ២០២៥ ដែលជា ការកសាងមូលដ្ឋានគ្រឹះដ៏រឹងមាំ សម្រាប់ការបើកដំណើរ ការយ៉ាងពេញលេញ នូវការតុបតែងលម្អ និងដំឡើងបរិក្ខារអគ្គិសនី ជាបន្តបន្ទាប់ទៀត។
ដោយប្រឈមមុខនឹងបញ្ហាប្រឈម នៃកាលបរិច្ឆេទសម្រេចការសាងសង់គម្រេ នាយក ដ្ឋានគម្រោង បានបើកការប្រកួតប្រជែងកសាងគុណសម្បត្តិ “ការយកឈ្នះលើកិច្ចការលំបាក ក្នុងរយៈពេល ៨០ ថ្ងៃ” ជាផ្លូវការនៅថ្ងៃទី១៤ ខែធ្នូ ឆ្នាំ២០២៤។ នាយកដ្ឋានគម្រោង បានរៀបចំ ផែនការសាងសង់ និងយន្តការវាយតម្លៃ ដែលលំអិតអំពីគោលបំណង នៃការប្រកួតប្រជែង ។ ក្នុងអំឡុងពេលនៃការប្រកួតប្រជែងនេះ ក្រុមការងារគម្រោង បានពង្រឹងយ៉ាងពេញ លេញនូវការ គ្រប់គ្រងវឌ្ឍនភាព តាមរយៈការដាក់ចេញវិធានការ នានា ដូចជា ការធ្វើឱ្យប្រសើរនូវរចនាសម្ព័ន្ធ សាងសង់ ការរៀបចំបំពាក់ធនធាន ដែលមានគុណភាពខ្ពស់ ជំរុញការអនុវត្តបច្ចេកទេសនវានុវត្ត ន៍។ល។
ក្រោមបុរេលក្ខខណ្ឌ នៃការធានាគុណភាព និង សុវត្ថិភាពសាងសង់ ក្រុមការងារគម្រោង បានខិតខំប្រឹងប្រែងអស់ ពីសមត្ថភាពក្នុងការ ជំរុញវឌ្ឍនភាពគម្រោង ។ទន្ទឹមនឹងនេះ ក៏បានរៀបចំ បង្កើតក្រុមការងារទ័ពស្រួច និងកងកម្លាំងយុវជនពិសេស ដើម្បីជំនះការលំបាកក្នុងដំណាក់កាល សាងសង់សំខាន់ៗ ជំរុញការសម្រេចវឌ្ឍនភាព គម្រោងប្រកបដោយប្រសិទ្ធភាពខ្ពស់។
ទន្ទឹមនឹងការពន្លឿនដំណើការសាងសង់ នាយកដ្ឋានគម្រោង តែងតែប្រកាន់ខ្ជាប់នូវគោល ការណ៍ “សុវត្ថិភាព និង គុណភាពជាចម្បង” ដោយអនុវត្តយ៉ាងតឹងរ៉ឹងនូវប្រព័ន្ធទំនួលខុសត្រូវ ផលិតកម្មសុវត្ថិភាព រៀបចំការបណ្តុះបណ្តាលអំពីសុវត្ថិភាព និងសមយុទ្ធពិសេសជាប្រចាំ ដើម្បី ធានាលើការគ្រប់គ្រង បាននូវសុវត្ថិភាពនៅគ្រប់ដំណើរការ នៃការសាងសង់ទាំងមូល ។ នាយក ដ្ឋានគម្រោង បានអនុវត្តយ៉ាងម៉ឺងម៉ាត់ នូវស្តង់ដារគ្រប់គ្រងគុណភាព ធ្វើការគ្រប់គ្រងរាល់ដំណើរ ការនៃការប្រព្រឹត្តទៅ នៃខ្សែចង្វាក់ផលិតកម្ម ដើម្បីធានាបាននូវអត្រានៃការត្រួតពិនិត្យវាយតម្លៃ ប្រគល់-ទទួល ១០០% ត្រឹមតែមួយលើក ។
ក្នុងនាមជាសំណង់សំគាល់ ទីកន្លែង (Landmark) ដ៏សំខាន់ ដែលស្ថិតនៅចំកណ្តាលនៃរាជធានីភ្នំពេញ បន្ទាប់ពីសាងសង់រួច គម្រោងអាគារ មជ្ឈមណ្ឌលពាណិជ្ជកម្ម នរោត្តម នឹងក្លាយជា សំណង់អគារចម្រុះបែបទំនើប ដោយរួមបញ្ចូលគ្នានូវមជ្ឈមណ្ឌលពាណិជ្ជកម្ម ការិយាល័យ និង សណ្ឋាគារលំដាប់ផ្កាយប្រាំ ដែលមានសារៈសំខាន់យ៉ាងខ្លាំង សម្រាប់ការលើកកម្ពស់មុខមាត់ទី ក្រុង និងជំរុញការអភិវឌ្ឍន៍សេដ្ឋកិច្ចក្នុងតំបន់។
ក្រុមការងារគម្រោង នឹងបន្តប្រកាន់ខ្ជាប់នូវស្មារតី សិប្បករ (Craftsman’s spirit) ខិតខំប្រឹងប្រឹងអស់ពីសមត្ថភាពក្នុងការសម្រេចគោលដៅសាងសង់ បន្តបន្ទាប់ទៀត ដើម្បីធានាការបិទ បញ្ចប់ការសាងសង់គម្រោងប្រកបដោយគុណភាពខ្ពស់ និងរួម ចំណែកដល់កិច្ច សហប្រតិបត្តិការ អន្តរជាតិនៃគំនិតផ្តួចផ្តើម “ខ្សែក្រវាត់ និងផ្លូវ”៕
