ឧត្តមសេនីយ៍ឯក ជួន ណារិន្ទ ឲ្យអ្នកបង្កើតហ្វេសប៊ុកដាក់រូប និងឈ្មោះលោក ត្រូវបញ្ឈប់ជាបន្ទាន់

ភ្នំពេញ ៖ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញបានស្នើឲ្យបុគ្គលដែលបានបង្កើតហ្វេសប៊ុកដាក់រូបនិងឈ្មោះលោក ត្រូវបញ្ឈប់ឬលុបចោលជាបន្ទាន់ ។

ជាមួយនឹងអ្នកបង្កើតហ្វេសប៊ុករបស់លោកក្លែងក្លាយនេះ លោកក៏បានយល់ពីបំណងអ្នកបង្កើតនេះដោយសារតែបុគ្គលនោះស្រឡាញ់ចូលចិត្តលោក ។

ការលើកឡើងរបស់លោកនេះ បន្ទាប់ពីមានបុគ្គលម្នាក់បានបង្កើតអាខោនហ្វេសប៊ុកហើយបានដាក់រូប និងឈ្មោះរបស់លោកកាលពីពេលថ្មីៗនេះ ។

ជាមួយគ្នានេះដែរ ស្នងការដ្ឋាននគរបាលរាជធានីភ្នំពេញ បានផ្ញើសារទៅអ្នកបង្កើតហ្វេសប៊ុកក្លែងក្លាយនោះថា បើមិនព្រមលុបចេញទេ ស្នងការភ្នំពេញ នឹងធ្វើការស្រាវជ្រាវ នាំយកជនរូបនេះមកអនុវត្តតាមនីតិវិធី៕