ប្រមុខការពារជាតិកម្ពុជា អញ្ជើញគោរពវិញ្ញាណក្ខន្ធសព ព្រិន្ទបាលឯក សួន រ៉ោន ដែលពលីក្នុងហេតុការណ៍ ទាហានថៃលបបាញ់ន្រហារ នៅតំបន់មុំបី

ព្រះវិហារ៖ នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ នៅថ្ងៃទី៣០ ខែឧសភា ឆ្នាំ២០២៥ បានដឹកនាំនាយទាហាន ជាន់ខ្ពស់ក្រសួងការពារជាតិ និង អគ្គបញ្ជាការ នៃកងយោធពលខេមរភូមិ គោរពវិញ្ញាណក្ខន្ធសព ព្រិន្ទបាលឯក សួន រ៉ោន យុទ្ធជនកងអនុសេនាធំទី៥ វរសេនាតូចលេខ៣៩៥ កងពលតូចអន្តរាគមន៍លេខ៩ កងពលធំអន្តរាគមន៍លេខ៣ ដែលបានពលីជីវិត ក្នុងហេតុការណ៍ ទាហានថៃ លបបាញ់ប្រហារ នៅក្នុងតំបន់មុំបី។

សូមឧទិ្ទសបួងសួងដល់ដួងវិញ្ញាណក្ខន្ធ ព្រិន្ទបាលឯក សួន រ៉ោន សូមឆាប់បានចាប់កំណើតក្នុងសុគតិភពគ្រប់ៗជាតិកុំបីឃ្លៀងឃ្លាតឡើយ៕