ព្រះវិហារ៖ លោក ហោ ប៊ុនហួរ អភិបាលស្រុករវៀង កាលពីពេលថ្មីៗក្នុងកក្កដា ឆ្នាំ២០២៥នេះ បានដឹកនាំមន្ដ្រីនៃរដ្ឋបាលស្រុក រវៀងនាំយកអំណោយជា គ្រឿងឧបភោគបរិភោគជាច្រើនមុខ ដែលកើតចេញពីទឹកចិត្ត របស់ពលរដ្ឋ និងមន្ដ្រីរាជការទូទាំងស្រុក ប្រគល់ជូនក្រុមការងារប្រចាំការ នៅមណ្ឌលសុវត្ថិភាពវត្តពោធិ៍៥០០០ដើម ស្ថិតក្នុងភូមិគូលែនត្បូង ឃុំគូលែនត្បូង ស្រុកគូលែន ខេត្តព្រះវិហារ ។។
អំណោយជា គ្រឿងឧបភោគបរិភោគ ទាំងនោះរួមមាន អង្ករ, បន្លែបង្ការ, មី, ត្រីខ, ទឹកត្រី, ទឹកស៊ីអ៊ីវ, ទឹកបរិសុទ្ធ ព្រមទាំងសម្ភារៈចាំបាច់ និងថវិកាមួយចំនួនផងដែរ ។
អំណោយនាដែលប្រគល់ជូននាពេលនេះ គឺបានមកពីការចូលរួមរបស់ថ្នាក់ដឹកនាំ មន្ដ្រីរាជការគ្រប់ជាន់ថ្នាក់ និងបងប្អូនប្រជាពលរដ្ឋ នៅទូទាំងស្រុករវៀង ផ្ដល់ជូនដល់ក្រុមការងារប្រចាំការ នៅមណ្ឌលសុវត្ថិភាពវត្តពោធិ៍ ៥០០០ដើម ដើម្បីបង្ហាញអំពីការគិតគូរយកចិត្តទុកដាក់ និងចូលរួមលើកទឹកចិត្ដដល់ក្រុមការងារ ដែលបានខិតខំប្រឹងប្រែងក្នុងការ បំពេញតួនាទី ភារកិច្ចរបស់ខ្លួនយ៉ាងសកម្ម ដើម្បីរក្សាការពារសន្តិសុខសណ្តាប់ធ្នាប់ និង សុខមាលភាព ជូនដល់ប្រជាពលរដ្ឋ ដែលបានជម្លៀសខ្លួន ពីតំបន់ងាយរងហានិភ័យមកស្នាក់នៅបណ្តោះអាសន្ន នាមណ្ឌលសុវត្ថិភាពវត្តពោធិ៍ ៥០០០ដើម អស់រយៈពេល ជិត ២ខែកន្លងមកនេះ៕
