វិទ្យាស្ថានសិក្សាបច្ចេកទេសធនាគារ (វ.ប.ម.) មានកិត្តិយសសូមជម្រាបជូនដំណឹងដល់ក្រុមគ្រួសារ យុទ្ធជនពលីជីវិតក្នុងបុព្វហេតុការពារជាតិឱ្យបានជ្រាបថា៖ ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការអភិវឌ្ឍធនធានមនុស្ស និងចូលរួមសម្រាលបន្ទុកហិរញ្ញវត្ថុក្នុងគ្រួសារយុទ្ធជនពលី វ.ប.ធ. នឹងផ្តល់ជូន អាហារូបករណ៍១០០% រហូតដល់ចប់ឆ្នាំទី៤ សម្រាប់កម្មវិធីសិក្សាថ្នាក់បរិញ្ញាបត្រធនាគារនិងហិរញ្ញវត្ថុ ដល់ និស្សិតដែលមានគ្រួសារជាយុទ្ធជនពលីជីវិតដើម្បីបុព្វហេតុការពារជាតិ។
ឆ្លៀតក្នុងឱកាសនេះដែរ វ.ប.ធ. សូម ចូលរួមរំលែកទុក្ខដ៏ក្រៀមក្រំបំផុតចំពោះក្រុមគ្រួសាររបស់យុទ្ធជនពលីដ៏អង់អាចក្លាហានរបស់យើង ក្នុងស្មារតី ស្នេហាជាតិ និងបុព្វហេតុការពារជាតិមាតុភូមិដ៏បវរនៃព្រះរាជាណាចក្រកម្ពុជា។
អាស្រ័យដូចបានជម្រាបជូនខាងលើ សូមក្រុមគ្រួសាររបស់យុទ្ធជនពលីជីវិតក្នុងបុព្វហេតុការពារជាតិ ជ្រាប និងធ្វើការទំនាក់ទំនងមកកាន់ វិទ្យាស្ថានសិក្សាបច្ចេកទេសធនាគារ តាមរយៈលេខទូរស័ព្ទ ០២៣ ៩៩០ ១៨៨ ចាប់ពីថ្ងៃផ្សាយដំណឹងនេះតទៅ។
