ព្រះគ្រូចៅអធិការ វត្តកោះអណ្ដែត នាំអំណោយនិងថវិកា ជូនដល់វីរៈកងទ័ព និងជនភៀសសឹកទិសខេត្តឧត្តរមានជ័យ
ស្វាយរៀង៖ ព្រះតេជគុណ អ៊ំុ សុវណ្ណារិទ្ធិ ព្រះគ្រូចៅអធិការវត្តកោះអណ្ដែត ស្រុកកំពង់រោទិ៍ខេត្តស្វាយរៀង បានដឹកនាំព្រះសង្ឃ នាំយកអំណោយជាគ្រឿងឧបភោគបរិភោគ និងថវិកាមួយចំនួនជូនដល់វរៈកងទ័ពដែលកំពង់ឈរជើងនៅទិស ខេត្តឧត្តរមានជ័យនិងជនភៀសសឹក។
ក្នុងឱកាសនោះ ព្រះអង្គ អ៊ំុ សុវណ្ណារិទ្ធិ បានមានសង្ឃដីកាថ្លែងអំណរអរគុណយ៉ាងជ្រោលជ្រៅ ចំពោះសប្បុរជននានា ដែលបានចូលរួមឧបត្ថម្ភ តាមរយៈព្រះអង្គកន្លងមកនេះ ដើម្បីជាការរួមចំណែកជួយគាំទ្រលើកទឹកចិត្តដល់វីរកងទ័ពជួរមុខកម្ពុជា ដែលកំពុងឈរជើងការពារបូរណភាពទឹកដី និងអធិបតេយ្យជាតិ រួមទាំងការចូលរួមដល់ជនភៀសសឹកដែលកំពុងជម្លៀសខ្លួន ដែលត្រូវការជំនួយសម្រាប់ដោះស្រាយជីវភាពប្រចាំថ្ងៃ។
ព្រះអង្គអ៊ំុ សុវណ្ណារិទ្ធិ សូមអរគុណយ៉ាងជ្រាលជ្រៅបំផុត ជូនដល់វីរកងទ័ពកម្ពុជា ចំពោះការលះបង់ដ៏ធំធេងមួយនេះ និងសូមជូនពរដល់វីរកងទ័ពទាំងអស់ មានសុខភាពល្អបរិបូណ៍ ឈ្នះអស់មាសសត្រូវ និងសូមបានប្រកបតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សម្ភារៈដែលប្រគល់ជូនដល់កងទ័ព ចំនួន ៩ អង្គភាព និង ជនភៀសសឹក រួមមាន៖ អង្ករចំនួន១៧ តោន មី ១,៥០០កេស ទឹក សុីអុីវ ចំនួន៣,០០០ដប នំអន្សម ១,៥០០ អន្សម នំចាំង ចំនួន ១,០០០នំ នំបុ័ងចំនួន៥,០០០ ដេីម ទឹកសុទ្ធចំនួន ១,០០០យួរ បាយ ក្តាំង ចំនួន៩០ដុំ អេកូមចំនួន១៣គ្រឿង ទទទឹកដោះគោកូនក្មេង ចំនួន ១០០កេស ថវិកាមួយអង្គភាព ចំនួន ៥០០,០០០រៀល ជូនបងៗកងទ័ពផ្ទាល់ ក្នុង១នាក់ ថវិការ ចំនួន៤០,០០០រៀលផងដែរ៕
