ការប្រកួតសរសេរ តាមអានថ្នាក់ជាតិ ជាសាធារណៈ”សំណេរអង្គរ” លើកទី៣ នឹងប្រព្រឹត្តិទៅ នាថ្ងៃទី២១៨ ខែមករា ឆ្នាំ២០០៦ នៅខេត្តសៀមរាប
ភ្នំពេញ៖ការប្រកួតប្រជែងសរសេរតាមអានសាធារណៈថ្នាក់ជាតិ “(សំណេរអង្គរ)” ដើម្បីលើកតម្លៃអក្សរសាស្រ្តជាតិ លើកទី៣ ឆ្នាំ២០២៦ នឹងប្រព្រឹត្តិទៅនាថ្ងៃទី១៨ ខែមករា ឆ្នាំ២០០៦ ស្ថិតនៅស្ពានហាលខាងលិចប្រាសាទអង្គវត្ត នាទឹកដីខេត្តសៀមរាប ធ្វើឡើងក្នុងការគោលបំណង លើកកម្ពស់ និងជំរុញទឹកចិត្ត ឲ្យកូនខ្មែរកាន់តែស្រឡាញ់អក្សរសាស្ត្រខ្មែរ ព្រមទាំងផ្សព្វផ្សាយបន្ថែម នូវរមណីយដ្ឋានដ៏មហស្ចារ្យ ក្នុងពិភពលោកដែលផ្សារភ្ជាប់នឹង តថភាពវប្បធម៌ដ៏ល្អល្អះរបស់ព្រះរាជាណាចក្រកម្ពុជា ។
នាថ្ងៃទី១ ខែកញ្ញា ឆ្នាំ២០២៥ លោក លឹម ប៊ុនហុក រដ្ឋលេខាធិការក្រសួងការបរទេស និង សហប្រតិបត្តិការអន្តរជាតិ និងជាអ្នកស្រឡាញ់ អក្សរសាស្រ្តខ្មែរ បានអញ្ជើចូលរួមពិធី សន្និសារព័ត៌មានស្តីពីការប្រកួតប្រជែងសរសេរ តាមអានសាធារណៈថ្នាក់ជាតិ “(សំណេរអង្គរ)” លើកទី៣ ឆ្នាំ២០២៥ ជាផ្លូវការហើយ នៅBP Premium Coffee(TTP) ផ្លូវ៤៨៨ កែងផ្លូវ១៤៥ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
លោក លឹម ប៊ុនហុក បានមានប្រសាសន៍ថា ការប្រកួតប្រជែងសរសេរតាមអានសាធារណៈថ្នាក់ជាតិ “(សំណេរអង្គរ)” ឆ្នាំនេះ ប្រព្រឹត្តិទៅថ្ងៃទី១៨ ខែមករា ឆ្នាំ២០២៦ បានបែងចែកបេក្ខជនជាផ្នែកធំ ដែលមានអាយុ ១៨ ឆ្នាំចុះក្រោម និង ១៩ ឆ្នាំឡើងទៅ ។ គណៈកម្មការចាប់ផ្តើមទទួលពាក្យពីថ្ងៃនេះ រហូតដល់ថ្ងៃទី២២ ខែធ្នូ ឆ្នាំ២០២៥ ។ កម្មវិធី«សំណេរអង្គរលើកទី៣»គឺជាកម្មវិធីមួយ ដែលបង្កើតឡើងដើម្បីលើកកម្ពស់អក្សរសាស្ត្រខ្មែរ តាមរយៈការសរសេរតាមអាន ។ និយាយបែបផ្សេងមានន័យថាកម្មវិធីនេះនឹងអាចក្លាយទៅជាទិវាសរសេរ តាមអានជារៀងរាល់ឆ្នាំ ដោយផ្ដោតលើប្រធានបទស្តីពី «រមណីយដ្ឋានអង្គរ»។
ការប្រកួតនេះធ្វើឡើងដោយក្រសួងការបរទេស និង សហប្រតិបត្តិការអន្តរជាតិ ក្រសួងអប់រំ យុវជន និងកីឡា ក្រសួងវប្បធម៌ និងវិចិត្រសិល្បៈ និងមានការគាំទ្រពីអ្នកស្រឡាញ់អក្សរសាស្រ្តខ្មែរ ហើយលោកបានអំពាវនាវដល់បេក្ខជន-បេក្ខនារីទំាងអស់ ដែលបានដាក់ពាក្យចូលរួមប្រកួតចូលរួមវិភាគទានទិញអាវយឺតតម្លៃ ២០០០០រៀល ស្មើ ៥ដុល្លារអាមេរិក។
លោក ហួ ឈុនគ្រី បានប្រាប់ឲ្យដឹងថា ក្រសួងអប់រំ យុវជន និងកីឡាគាំទ្រយ៉ាងពេញទំហឹង សម្រាប់គំនិតផ្តួចផ្តើមការប្រកួតសរសេរ តាមអានថ្នាក់ជាតិជាសាធារណៈ “សំណេរអង្គរ” ឆ្នាំនេះ ។ ការប្រកួតឆ្នាំ២០២៦ គណៈកម្មការសម្រេចទទួលពាក្យចាប់ពី ១០០០ ទៅ ១៥០០ នាក់ ។
កម្មវិធី “សំណេរអង្គរ” នាពេលនេះឡើង នៅលើស្ពានហាលខាងលិចប្រាសាទអង្គរវត្ត ប្រកបដោយស្មារតីក្នុងការពង្រឹងបន្ថែមនូវចំណេះដឹងទូទៅ អត្តសញ្ញាណជាតិ សាមគ្គីភាព ក៏ដូចជាលើកតម្កើងអក្សរសាស្ត្រឲ្យកាន់ផុលផុសបន្ថែមទៀត៕
