ឈ្មួញទាំង ៤នាក់ ដែលនាំអង្ករថៃចូលមកកម្ពុជាតាមច្រកកំពង់ស្រឡៅ ចំនួន ៣រថយន្តធំៗ មានឈ្មោះ ៖
១- លោក ដន ទី រស់នៅ ភូមិ កំពង់ស្រឡៅ ឃុំ កំពង់ស្រឡៅ ស្រុក ឆែប ខេត្ត ព្រះវិហារ
២- លោក ភូ គេន រស់នៅ ភូមិ កំពង់ស្រឡៅ ឃុំ កំពង់ស្រឡៅ ស្រុក ឆែប ខេត្ត ព្រះវិហារ
៣- លោកស្រី លុយ យ៉ាន់ រស់នៅ ភូមិ កំពង់ស្រឡៅ ឃុំ កំពង់ស្រឡៅ ស្រុក ឆែប ខេត្ត ព្រះវិហារ
៤- លោក សន ភ័ណ្ឌ រស់នៅ ភូមិ កំពង់ស្រឡៅ ឃុំ កំពង់ស្រឡៅ ស្រុក ឆែប ខេត្ត ព្រះវិហារ
ចំណែកមន្ត្រីគយ ដែលមកសុំអន្តរាគមន៍ឈ្មោះ លោក សុខ ឡាដេត ។
នគរបាលខេត្តកំពង់ធំ ចាប់រថយន្តខ្នាតយក្ស ៣គ្រឿង ដឹកអង្ករដំណើប ជិត៣០តោន នាំចូលពីថៃ តាមច្រកកំពង់ស្រឡៅ
រថយន្តធុនធំដឹកអង្ករដំណើប ៣គ្រឿង ដែលគេអះអាងថា នាំចូលពីប្រទេសថៃ តាមច្រកព្រំដែនកំពង់ស្រឡៅ ខេត្តព្រះវិហារ ត្រូវបានសមត្ថកិច្ច នគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តកំពង់ធំ ឃាត់បានកាលពីយប់ថ្ងៃទី៣១ ខែសីហា ឈានចូលថ្ងៃទី១ កញ្ញា ២០២៥ នៅលើកំណាត់ផ្លូវជាតិលេខ៦ ក្នុងភូមិសាស្ត្រខេត្តកំពង់ធំ ។
ជុំវិញការឃាត់រថយន្តដឹកអង្ករដំណើបនេះ ពុំទាន់មាន ការអះអាងជាផ្លូវការ ពីសមត្ថកិច្ច ឬមន្ត្រីពាក់ព័ន្ធ ណាមួយនៅឡើយទេ។ ប៉ុន្តែប្រភពក្រៅផ្លូវការ បានឲ្យដឹងថា រថយន្តទាំង៣គ្រឿងនេះ បានធ្វើសកម្មភាពដឹកអង្ករ ដំណើបចេញពីច្រកកំពង់ស្រឡៅ តាមផ្លូវជាតិលេខ៦ លុះមក ដល់ភូមិសាស្ត្រខេត្តកំពង់ធំ ក៏ត្រូវសមត្ថកិច្ចឃាត់តែម្ដង ។
ប្រភពបន្តថា ក្រោយនគរបាលសេដ្ឋកិច្ចឃាត់ចាប់រថយន្តទាំង ៣នេះ ស្រាប់តែមានមន្ត្រីគយ ១រូប បានចេញមុខអន្ដរាគមន៍ តែសមត្ថកិច្ចជំនាញមិន ព្រមតាមការស្នើសុំនោះទេ ។
ផ្ទាំងពាណិជ្ជកម្ម
ជាមួយគ្នានេះ នៅព្រឹកថ្ងៃទី១ ខែកញ្ញានេះ ប្រភពក្រៅផ្លូវការដដែលបន្ថែមបានឱ្យដឹងបន្ថែមថា រថយន្តទាំង ៣គ្រឿងនេះ មានច្បាប់អនុញ្ញាតឲ្យដឹកអង្ករតែ ៦០០គីឡូក្រាម ប៉ុន្តែជាក់ស្ដែង រថយន្តនេះ ដឹកអង្កររហូតដល់ទៅ ២៨តោន ។
នៅមិនទាន់ទទួលបានការបញ្ជាក់ អះអាងជាផ្លូវការណាមួយ ពីចំណាត់ការច្បាស់លាស់របស់លោកព្រះ រាជអាជ្ញាអមសាលាដំបូងខេត្តកំពង់ធំនៅឡើយទេ ។
ពាក់ព័ន្ធករណីនេះ មានការរិះគន់ ចំពោះមន្ត្រីច្រកកំពង់ស្រឡៅ ជុំវិញការអនុញ្ញាតឲ្យមានការនាំចូលទំនិញពីប្រទេសថៃ ខណ:ប្រទេសកម្ពុជា កំពុងមានជម្លោះព្រំដែន ជាមួយថៃ ហើយពលរដ្ឋ កំពុងធ្វើពហិកាទំនិញថៃ ស្រាប់តែមានរថយន្តខ្នាតយក្សដឹកអង្ករដំណើបរាប់សិបតោន ចូលមកទីផ្សារកម្ពុជាទៅវិញ ៕
ដោយ៖ សំនៀង
