មុខសញ្ញាគ្រឿងញៀនម្នាក់ ត្រូវបានសមត្ថកិច្ចចាប់ខ្លួន នៅក្រុងបាត់ដំបង
ភ្នំពេញ ៖ កាលពីថ្ងៃទី២៧ ខែកញ្ញា ឆ្នាំ២០២៥ សមត្ថកិច្ចនគរបាលបានបញ្ជូនពិរុទ្ធជន ម្នាក់ឈ្មោះធុល ស៊ីម៉េង ហៅថុល ភេទប្រុស អាយុ៣២ឆ្នាំរស់នៅភូមិវត្តតាមិម ឃុំអូរដំបង១ ស្រុកសង្កែ ខេត្តបាត់ដំបងទៅសាលាដំបូង ខេត្តបាត់ដំបង បន្ទាប់ពីបានអនុវត្តដីកាបង្គាប់ របស់ចៅក្រមចំនួន០២ ដីកាក្នុងអំពើល្មើសគ្រឿងញៀន ក្នុងមូលដ្ឋាន នាពេលកន្លងមករបស់ពិរុទ្ធជនខាងលើ។
ការអនុវត្តចាប់ខ្លួននេះ ធ្វើឡើងកាលពីថ្ងៃទី២៦ ខែ កញ្ញា ឆ្នាំ ២០២៥ ដោយផែនការងារប្រឆាំងគ្រឿងញៀនដែលមានលោកវរសេនីយ៍ឯក សុខ និមល ស្នងការរងទទួលផែន ក្រោមការចង្អុលដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង ស្របតាមអនុសាសន៍ដ៏ខ្ពង់ខ្ពស់របស់ នាយឧត្តមសេនីយ៍ ស ថេត អគ្គស្នងការនគរបាលជាតិ។
សូមជម្រាបជូនថា ពិរុទ្ធជនខាងលើបាន ធ្វើសកម្មភាពជួញដូរដោខុសច្បាប់នូវសារធាតុញៀនក្នុងមូលដ្ឋាន ស្រុកឯកភ្នំនិងក្រុងបាត់ដំបងកាលពីខែមេសា និងខែ សីហា ឆ្នាំ២០២៤ ហើយសកម្មភាពនេះ ត្រូវបានសមត្ថកិច្ចនគរបាលស្រាវជ្រាវ រហូតបញ្ជូនសំណុំរឿងទៅកាន់សាលាដំបូងខេត្តបាត់ដំបង ដើម្បីបានដីកាបង្គាប់និងអនុវត្តការចាប់ខ្លួននៅពេលនេះ។
លោកឧត្តមសេនីយ៍ទោ ដាញ់ អេងប៊ុនចាន់ ធ្លាប់មានប្រសាសន៍ នាពេលកន្លងទៅក្នុងកិច្ចប្រជុំថា មុខសញ្ញាល្មើសច្បាប់ ដែលមានដីកាបង្គាប់ឱ្យចាប់ខ្លួន ពីតុលាការហើយ នោះសមត្ថកិច្ចនគរបាលត្រូវប្រឹងប្រែង ស្រាវជ្រាវនិង ស្វែងរកចាប់ខ្លួនយកទៅអនុវត្តទោលឱ្យខាងតែបានទោះគេគេចខ្លួនទៅដល់ទីណាក៏ដោយ ហើយបញ្ហានេះ ត្រូវបានសមត្ថកិច្ច ជំនាញនៅស្នងការដ្ឋាន និងបណ្តាអធិការដ្ឋាននគរបាលក្រុង ស្រុក បន្តធ្វើបានជាបន្តបន្ទាប់ ៕(រូបភាពផែនប្រឆាំងគ្រឿងញឿន)
