លោក Donald Trump ផ្ញើលិខិតទៅនាយករដ្ឋមន្ត្រីថៃ ដោយចង់ឃើញ ថៃ និងកម្ពុជា ដោះស្រាយភាពតានតឹងនៅតាមព្រំដែន
បរទេស: លោក Anutin Charnvirakul បាននិយាយនៅថ្ងៃព្រហស្បតិ៍ ទី៩ ខែតុលាថា ប្រធានាធិបតីសហរដ្ឋអាមេរិក លោក Donald Trump បានផ្ញើលិខិតទៅកាន់នាយករដ្ឋមន្ត្រីថៃ ដោយនិយាយថា លោកចង់ឃើញ ថៃ និងកម្ពុជា ដោះស្រាយភាពតានតឹងនៅតាមព្រំដែន។
យោងតាមសារព័ត៌មាន CNA ចេញផ្សាយនៅថ្ងៃទី៩ ខែតុលា ឆ្នាំ២០២៥ បានឲ្យដឹងថា ការកត់សម្គាល់នេះបានធ្វើឡើងមួយថ្ងៃបន្ទាប់ពីនាយករដ្ឋមន្ត្រីថៃបានច្រានចោលតួនាទីបន្តសម្រាប់លោក Trump ដែលកំពុងដណ្តើមយករង្វាន់ណូបែលសន្តិភាពនៅក្នុងការចរចាបន្ថែមទៀតរវាងប្រជាជាតិទាំងពីរកម្ពុជា និងថៃ ក្នុងគោលបំណងដោះស្រាយជម្លោះព្រំដែន។
ភាពតានតឹងលើទឹកដីបានផ្ទុះឡើងក្នុងខែកក្កដា ទៅជាការប៉ះទង្គិចគ្នាផ្នែកយោធាដ៏ខ្លាំងក្លាបំផុតរវាងកម្ពុជា និងថៃក្នុងរយៈពេលជាច្រើនទសវត្សរ៍ ដោយបានបណ្តាលឲ្យមនុស្សស្លាប់ជាង ៤០នាក់ និងបង្ខំឱ្យមនុស្សប្រហែល ៣០ម៉ឺន នាក់ត្រូវភៀសខ្លួនចេញពីផ្ទះសម្បែងរបស់ពួកគេ។
ភាគីទាំងពីរបានយល់ព្រមលើបទឈប់បាញ់មួយ ដែលសម្របសម្រួលដោយលោក Trump បន្ទាប់ពីការប្រយុទ្ធគ្នារយៈពេលប្រាំថ្ងៃ ហើយចាប់តាំងពីពេលនោះមកមានការចោទប្រកាន់ម្តងហើយម្តងទៀតអំពីការរំលោភបទឈប់បាញ់។
ប្រែសម្រួល: ណៃ តុលា
