ខេត្តមណ្ឌលគិរី និងខេត្តឡឹមដុងនៃប្រទេសវៀតណាម ឯកភាពគ្នាលើកំណត់ហេតុកិច្ចសហប្រតិបត្តិការ រក្សាសន្តិសុខ និងសណ្តាប់ធ្នាប់ព្រំដែន
មណ្ឌលគិរី៖ ប្រតិភូរបស់ខេត្តមណ្ឌលគិរី ដឹកនាំដោយលោកឧត្តមសេនីយ៍ទោឡោ សុខា ស្នងការនគរបាលខេត្តមណ្ឌលគិរី បានធ្វើដំណើរឆ្ពោះទៅប្រទេសវៀតណាម ដើម្បីចូលរួមប្រជុំជាមួយភាគីវៀតណាម ស្តីអំពីកិច្ចសហប្រតិបត្តិការ រក្សាសន្តិសុខ សណ្តាប់ធ្នាប់នៅតាមព្រំដែន ។
កិច្ចប្រជុំនេះភាគីវៀតណាម ដឹកនាំដោយលោកឧត្តមសេនីយ៍ត្រី ត្រឿង មិញឌឿង ស្នងការនគរបាលខេត្តឡឹម ដុង នៃសាធារណៈរដ្ឋសង្គមនិយមវៀតណាម។
ភាគីទាំងទាំងពីរត្រូវគេរាយការណ៍មកថា បានប្រព្រឹត្តទៅកាលពីថ្ងៃទី១៧ខែតុលានិងបានលើកយកនូវ កិច្ចសហប្រតិបត្តិការ រក្សាសន្តិសុខ សណ្ដាប់ធ្នាប់នៅតាមតំបន់ព្រំដែន ប្រចាំឆមាសទី១ឆ្នាំ២០២៥ និងលើកទិសដៅកិច្ចសហប្រតិបត្តិការឆមាសទី២ ឆ្នាំ២០២៥ រវាងស្នងការដ្ឋាននគរបាលខេត្តមណ្ឌលគិរី (កម្ពុជា) ជាមួយស្នងការដ្ឋាននគរបាលខេត្តឡឹមដុង សាធារណរដ្ឋសង្គមនិយម(វៀតណាម)។
ជាការកត់សម្គាល់និងជាលទ្ធផលភាគីទាំងពីរបានឯកភាពគ្នាលើកំណត់ហេតុលើកិច្ចសហប្រតិបត្តិការ រក្សាសន្តិសុខ សណ្ដាប់ធ្នាប់នៅតាមតំបន់ព្រំដែនប្រចាំឆមាសទី១ ឆ្នាំ២០២៥ និងលើកទិសដៅកិច្ចសហប្រតិបត្តិការ ឆមាសទី២ ឆ្នាំ២០២៥ ព្រមទាំងបានជូនកាដូរ អនុស្សាវរីយ៍រវាងភាគីទាំងពីរក្នុងភាពស្និទ្ធស្នាលជាទីបំផុតរវាងថ្នាក់ដឹកនាំនៃខេត្តទាំងពីរ ប្រទេសទាំងពីរផងដែរ៕
ដោយ៖ ចាន់បុត្រ|មណ្ឌលគិរី|ដើមអម្ពិល
