សិស្សានុសិស្សជាង ៤រយនាក់ចូលរួមរើសសំរាមជាមួយអាជ្ញាធរស្រុកកែវសីមា
By
Posted on
មណ្ឌលគិរី៖ “ផ្លូវជាតិគ្មានសំរាមនិងសំណល់ប្លាស្ទិក” និង “កម្ពុជាស្អាត ខ្មែរធ្វើបាន” គឺជាប្រធានបទមួយ ក្នុងសកម្មភាពដើររើសសំរាម តាមបណ្តោយផ្លូវជាតិលេខ៧៦ នៅព្រឹកថ្ងៃទី១៤ ខែវិច្ឆិកា ឆ្នាំ២០២៥នេះ។
វត្តមាននៃអ្នកចូលរួមសម្អាតបរិស្ថានលើកនេះ មានមន្ត្រីនៃដែនជម្រកសត្វព្រៃកែវសីមា កងកម្លាំងប្រដាប់អាវុធ លោកគ្រូអ្នកគ្រូ និងសិស្សានុសិស្ស៤៣០នាក់ ដោយដឹកនាំដោយរដ្ឋបាលស្រុកកែវសីមា។
ការចុះធ្វើយុទ្ធនាការសម្អាតផ្លូវជាតិនេះ ក្រោមប្រធានបទ «ផ្លូវជាតិគ្មានសំរាម និងសំណល់ប្លាស្ទិក» «កម្ពុជាស្អាត ខ្មែរធ្វើបាន» ដោយធ្វើការរើសសំរាមនៅលើផ្លូវជាតិលេខ៧៦ ចាប់ពីផ្សារកែវសីមាទៅព្រំប្រទល់ខេត្តក្រចេះ និងបានចុះអប់រំ ផ្សព្វផ្សាយដល់ប្រជាពលរដ្ឋតាមផ្ទះនៅសងខាងផ្លូវជាតិលេខ៧៦ និងក្នុងផ្សារកែវសីមា ឱ្យចេះសំអាតបរិស្ថាន និងទុកដាក់សំរាម សំណល់រឹង ឱ្យបានត្រឹមត្រូវ៕
ដោយ៖ ចាន់បុត្រ|មណ្ឌលគិរី|ដើមអម្ពិល
