លោក ឆាយ ឫទ្ធិសែន ជួបសំណេះសំណាលជាមួយសិស្សានុសិស្ស ប្រលងជាប់មធ្យមសិក្សាទុតិយភូមិ ឆ្នាំសិក្សា២០២៤-២០២៥ ជិត៨០០នាក់ ក្នុងស្រុកសាមគ្គីមានជ័យនិងស្រុកទឹកផុស ខេត្តកំពង់ឆ្នាំង
កំពង់ឆ្នាំង៖ លោក ឆាយ ឫទ្ធិសែន សមាជិកគណៈកម្មាធិការកណ្តាលគណបក្សប្រជាជនកម្ពុជា អនុប្រធានទី១ ក្រុមការងាររគណបក្សចុះមូលដ្ឋានខេត្តកំពង់ឆ្នាំង និងប្រធានក្រុមការងារថ្នាក់កណ្ដាលចុះមូលដ្ឋានស្រុកសាមគ្គីមានជ័យ និងស្រុកទឹកផុស នាព្រឹកថ្ងៃទី៣០ ខែវិច្ឆិកា ឆ្នាំ២០២៥ បានអញ្ជើញជួបសំណេះសំណាល ជាមួយសិស្សានុសិស្ស ប្រឡងជាប់មធ្យមសិក្សាទុតិយភូមិ ឆ្នាំសិក្សា២០២៤-២០២៥ សរុបចំនួន ៧៩៥រូប ក្នុងស្រុកសាមគ្គីមានជ័យ និងស្រុកទឹកផុស ខេត្តកំពង់ឆ្នាំង។
ឆ្លៀតក្នុងឱកាសនេះ លោក ឆាយ ឫទ្ធិសែន បានពាំនាំនូវប្រសាសន៍ផ្ដាំផ្ញើសុខទុក្ខ សេចក្ដីនឹករលឹក និងពរសព្ទសាធុការពីសំណាក់ សម្តេចប្រធាន សម្តេចអនុប្រធាន គណបក្សជូនចំពោះថ្នាក់ដឹកនាំ និងសមាជិក សមាជិកា និងអង្គពិធីទាំងមូល។
លោក ឆាយ ឫទ្ធិសែន បានសម្តែងការកោតសសើរ និងវាយតម្លៃខ្ពស់ចំពោះការខិតខំប្រឹងប្រែងរបស់រដ្ឋបាល អាជ្ញាធរស្រុក លោកគ្រូ អ្នកគ្រូ អាណាព្យាបាល ជាពិសេសក្មួយៗជាសិស្សានុសិស្ស ដែលខិតខំបំពេញការងារ និងប្រឹងប្រែងរៀនសូត្រ រហូតទទួលបាននូវជោគជ័យដូចពេលនេះ។ ឯកឧត្តមប្រធាន បានបន្តមានប្រសាសន៍ទៀតថា លទ្ធផលនិងជោគជ័យដ៏ត្រចះត្រចង់នាថ្ងៃនេះ គឺកើតចេញពីកត្តាសុខសន្តិភាព ដែលបានមកពីការលះបង់ដ៏ធំធេង និងការខិតខំប្រឹងប្រែងឥតឈប់ឈរដើម្បី ជាតិ និងប្រជាជន ដោយយកជីវិតធ្វើជាដើមទុនរបស់ សម្តេចអគ្គមហាសេនាបតីតេជោ ហ៊ុន សែន ជាបិតាស្ថាបនិកសន្តិភាពនៃកម្ពុជា ព្រមទាំងវីរជនស្នេហាជាតិជាច្រើនរូបទៀត និងការដឹកនាំបន្តវេនប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។ រាជរដ្ឋាភិបាលបានដាក់ចេញវិធានការគន្លឹះចំនួន៤ សម្រាប់វិស័យអប់រំយុវជន និងកីឡា ក្នុងគោលដៅពង្រឹងគុណភាពគ្រឹះស្ថានសិក្សារដ្ឋ ចាប់ពីថ្នាក់មត្តេយ្យសិក្សាដល់មធ្យមសិក្សា ដើម្បីអភិវឌ្ឍនមូលធនមនុស្សរបស់កម្ពុជាស្របតាមទិសស្លោក “ ភាពជាដៃគូរដ្ឋ និងសហគន៍ដើម្បីការអប់រំ” ។
លោក ឆាយ ឫទ្ធិសែន ក៏បានធ្វើការផ្តាំផ្ញើដល់គ្រប់អង្គភាព ស្ថាប័ន អង្គការ សប្បុរសជន អាណាព្យាបាល សូមបន្តឧបត្ថម្ភគាំទ្រដល់យុវសិស្សទាំងអស់ ទាំងស្មារតី និងសម្ភារ ដើម្បីទទួលបានឱកាសសិក្សាបន្ត និងបានផ្តាំផ្ញើក្មួយៗសិស្សានុសិស្សទាំងអស់ត្រូវបន្តខិតខំរៀនសូត្រ ដើម្បីទទួលបានជោគជ័យថ្មីបន្ថែមទៀតប្រកបដោយគុណវុឌ្ឍិ និងក្លាយជាមូលធនមនុស្សដ៏សំខាន់ និងព្រមទាំងក្លាយជា សសរទ្រូងរបស់ប្រទេសជាតិនាពេលខាងមុខ។
ជាចុងបញ្ចប់ លោក ឆាយ ឫទ្ធិសែន បានផ្តល់និងចែកជូននូវអាហារូបករណ៍ ១០០% ចំនួន ២៥កន្លែង និងថវិកាលើកទឹកចិត្តសម្រាប់សិស្សានុសិស្សពីនិទ្ទេស A ដល់និទ្ទេស E និងថវិកាសម្រាប់លោកគ្រូ អ្នកគ្រូទាំងពីរវិទ្យាល័យផងដែរ ព្រមទាំងជូនកុំព្យូទ័រ ៥គ្រឿង និងព្រីនធឺរ ៣ គ្រឿង ដល់ដល់ការិយាល័យអប់រំ យុវជន និងកីឡា នៅក្នុងស្រុកទឹកផុស និងនៅក្នុងស្រុកសាមគ្គីមានជ័យ ឯកឧត្តមប្រធាន បានផ្តល់និងចែកជូននូវអាហារូបករណ៍ ១០០% ចំនួន ២៥កន្លែង និងថវិកាលើកទឹកចិត្តសម្រាប់សិស្សានុសិស្សពីនិទ្ទេស A ដល់និទ្ទេស E និងថវិកាសម្រាប់លោកគ្រូ អ្នកគ្រូទាំងពីរវិទ្យាល័យ ព្រមទាំងជូនសម្ភារការិយាល័យ ដែលរួមមានកុំព្យូទ័រចំនួន ៤គ្រឿង ព្រីនធឺរ ២គ្រឿង និង LCD Projector ចំនួន១គ្រឿង សាលាបឋមសិក្សាចំនួន១ ក្នុងស្រុកសាមគ្គីមានជ័យផងដែរ។
សូមជម្រាបជូនដែរថា អាហារូបករណ៍រួមជាមួយនឹងថវិកា និងសម្ភារដែល លោក ឆាយ ឫទ្ធិសែន ចែកជូនក្នុងកម្មវិធីទាំងពីរខាងលើ ជាអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជានាយករដ្ឋមន្រ្តី នៃព្រះរាជាណាចក្រកម្ពុជា៕
