មេបញ្ជាការ កងរាជអាវុធហត្ថហត្ថខេត្តកំពង់ស្ពឺ និងក្រុមគ្រួសារ ព្រមទាំងសប្បុរសជន បានរួមគ្នានាំយកនូវសម្ភារៈមួយចំនួនធំ និងគ្រឿងឧបភោគបរិភោគ ប្រគល់ជូនដល់បងប្អូនវីរៈកងទ័ពជួរមុខ និងក្រុមគ្រួសារ ព្រមទាំងជនភៀសសឹក នៅទិសខេត្តឧត្តរមានជ័យ…
ដោយមានការចង្អុលបង្ហាញពី នាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស កាលពីថ្ងៃទី១៩ ខែធ្នូ ឆ្នាំ២០២៥កន្លងមកនេះ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថហត្ថខេត្តកំពង់ស្ពឺ ជាមួយនឹង ក្រុមគ្រួសារ សប្បុរសជននានា ព្រមទាំងមានការ ចូលរួមពីក្រុមការងារ សហភាពសហព័ន្ធយុវជនកម្ពុជាខេត្តកំពង់ស្ពឺ បានរួមនាំយកនូវសម្ភារៈមួយចំនួនធំ និងគ្រឿងឧបភោគ បរិភោគ ព្រមទាំងស្បៀងផ្សេងៗទៀត ទៅប្រគល់ជូនដល់បងប្អូនវីរៈកងទ័ពជួរមុខ និងក្រុមគ្រួសារ ព្រមទាំងជនភៀសសឹក ដែលជម្លៀសចេញពីតំបន់សមរភូមិមុខមកកាន់ទីតាំងមានសុវត្ថិភាព នៅទិសខេត្តឧត្តរមានជ័យ។
សម្ភារៈទាំងអស់រួមមាន៖ អង្ករ ៥០០បាវ(ស្នើរនិង៥តោន),មីខ្លាឃ្មុំ ៥០០កេះ,ទឹកសុទ្ធ ៥០០កេះ,ភេជ្ជៈប៉ូវកំលាំង ៥០០កេះ,ភួយចំនួន ៣០០ភួយ,សាច់ក្រកឆៅចំនួន ២០០គីឡូក្រាម,សាច់ក្រកឆ្អឹចំនួន ១០០គីឡូ,ទឹកត្រី ១០០យួរ,ទឹកសុីអុីវ ១០០យួរ,ត្រី ខ ៥០កេះ,សាច់ជ្រូកផាត់ ៥០គីឡូ,សាច់ជ្រូករំលីង ៥កេះ,កាពិផាវ ៥០១កំប៉ុងនិងគោ ២ក្បាល ( ដែលសរុបជាថវិការចំនួន ១៦.១៧៤ ដុល្លាអាមេរិច)ផងដែរ។
នាពេលសួរសុខទុក្ខនេះដែរ លោកឧត្តមសេនីយ៍ត្រី ម៉េង ស្រ៊ុន ក៏បានពាំនាំ នូវការផ្តាំផ្ងើរសួរសុខទុក្ខ និងព្រួយបារម្មណ៏បំផុតពី លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ព្រមទាំងប្រមុខថ្នាក់ដឹកនាំចំពោះ វីរៈកងទ័ពនៅសមរភូមិមុខ ព្រមទាំងជនភៀសសឹក ថែមទៀតផង។
ក្នុងអំឡុងពេលនេះប្រទេសកម្ពុជា យើងកំពុងតែជួបការលំបាក ដោយសារតែការឈ្លានពានពីកងទ័ពសៀម ធ្វើទុកបុកម្នេញអត់ស្រាកស្រាន ថោកទាបឥតកេរ្តិ៏ខ្មាស់ យ៉ាងព្រៃផ្សៃបំផុត ប្រៀបបានស្នើរនិងសត្វតិឆ្ឆាន ដែលគ្មានវិចារណញ្ញាណ ដែលបានបង្កឲ្យប្រជាពលរដ្ឋកម្ពុជា យើងរស់ នៅតាមបន្ទាត់ព្រំដែន ត្រូវភៀសសឹកចោល ផ្ទះសំបែង មកកាន់កន្លែងមានសុវត្តិភាព ហើយបងប្អូនប្រជាពលរដ្ឋខ្លះទៀតត្រូវបានបាត់បងជីវិត ផ្ទះសំបែងត្រូវបានបំផ្លាញ អគារ ផ្លូវថ្នល់ សាលារៀន វត្តអារាម និង ហេដ្ឋារចនាសម្ព័ន្តផ្សេងៗ ជាច្រើនទៀតត្រូវបានបំផ្លាញខ្ទិចគ្មានសល់ ជាពិសេសវីរះកងទ័ពកម្ពុជាយើងឈរជើងនៅសមរភូមិមុខ បានពលីជីវិត និងត្រូវប្រយុទ្ធតតាំងក្រាញននៀល ជាមួយសត្រូវឈ្លានពានដោយបាន លះបង់សាច់ស្រស់ ឈាមស្រស់ ដើម្បីជាតិនិងប្រជាជនទាំងមូល។
ប្រជាជនកម្ពុជា សង្ឃឹមជឿជាក់យ៉ាងមុតមាំខ្លាំងថា ក្នុងនាមប្រជាពលរដ្ឋ ក្រោមដំបូលសន្តិភាព បានកោតសរសើរគាំទ្រ លើប្រមុខរាជរដ្ឋាភិបាល សម្ដេចតេជោ ហ៊ុន សែន និងសម្ដេចមហាបវរធិបតី ហ៊ុន ម៉ាណែត ក្នុងការដឹកនាំបញ្ជាក្នុងសមរភូមិដ៏ក្ដៅគគុកនេះ៕
