ធនាគារជាតិ លើកលែងសោហ៊ុយ អាជ្ញាបណ្ណប្រចាំឆ្នាំ២០២៦ សម្រាប់សាខារបស់គ្រឹះស្ថានធនាគារ ក្នុងខេត្ដជាប់ព្រំដែនថៃ
By
Posted on
ភ្នំពេញ ៖ ធនាគារជាតិនៃកម្ពុជា បានសម្រេចលើកលែងសោហ៊ុយ អាជ្ញាបណ្ណប្រចាំឆ្នាំ២០២៦ សម្រាប់សាខារបស់គ្រឹះស្ថានធនាគារ និងហិរញ្ញវត្ថុ ក្នុងខេត្ដជាប់ព្រំដែនថៃចំនួន៥ ដែលរងគ្រោះដោយការវាយប្រហារ របស់យោធាថៃ។
យោងតាមលិខិត របស់ធនាគារជាតិនៃកម្ពុជា នៅថ្ងៃទី១៣ មករា នេះ ថា «ដើម្បីសម្រាលបន្ទុកដល់គ្រឹះស្ថាន ធនាគារ និងហិរញ្ញវត្ថុ ដែលកំពុងរងផលប៉ះពាល់ខ្លាំង ពីការវាយប្រហាររបស់យោធាថៃ តាមព្រំដែន ធនាគារជាតិនៃកម្ពុជា សម្រេចលើកលែងសោហ៊ុយ អាជ្ញាបណ្ណប្រចាំឆ្នាំ២០២៦ សម្រាប់សាខាស្រុករបស់គ្រឹះស្ថាន ធនាគារ និងហិរញ្ញវត្ថុ ដែលមានទីតាំងក្នុង ១/-ខេត្តព្រះវិហារ ២/-ខេត្តបន្ទាយមានជ័យ ៣/-ខេត្តឧត្តរមានជ័យ ៤/-ខេត្តពោធិ៍សាត់ និង៥/-ខេត្តបាត់ដំបង»៕
