លោកឧត្តមសេនីយ៍ត្រី ម៉េង ស្រ៊ុនអញ្ជើញដឹកនាំក្រុមការងារកងរាជអាវុធហត្ថខេត្តកំពង់ស្ពឺ បន្តចុះសួសុខទុក្ខលោកនាយចំណង់ ជួប វាសនា ខេត្តកំពង់ស្ពឺ នៅគេហដ្ឋាន
កំពង់ស្ពឺ៖ ដោយអនុវត្តតាមគោលការដឹកនាំដ៏ ប៉ិនប្រសបឈ្លាសវៃប្រកបដោយគុណធ៌មរបស់ លោក នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទនិងជាមេបញ្ជាការកងរាជអាវុធហត្ថលើផ្ទៃប្រទេស នាថ្ងៃទី០៣ ខែមីនា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញដឹកនាំក្រុមការងារកងរាជអាវុធហត្ថ បន្តចុះសួសុខទុក្ខលោកនាយចំណង់ ជួប វាសនា អតីត ជំនួយការ មន្ទីរកសាងកម្លាំង នៃបញ្ជាការដ្ឋានកងរាជអាវុធហត្ថខេត្តកំពង់ស្ពឺ នៅគេហដ្ឋាន។
ឆ្លៀតឱកាសនោះដែរ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ បានសំណេះសំណាលនិងជូនពរឲ្យមានសុខភាពល្អ ជាពិសេសក៏បានពាំនាំនូវការផ្តាំផ្ញើសួរសុខទុក្ខពីសំណាក់ ឯកឧត្តម នាយឧត្តមសេនីយ៍ សៅ សុខា ចំពោះលោក ជួប វាសនា និងក្រុមគ្រួសាររបស់គាត់ផងដែរ ដែលស្តែងចេញការយកចិត្តទុកដាក់បំផុតក្នុងស្មារតីមនុស្សមនុស្សធម៌ ចំពោះគ្រួសារអតីតចូលសោធននិវត្តន៍និងគ្រួសារយោធិនដែលបានពលីមរណៈដែលមានជីវភាពខ្វះខាត ជួបការលំបាកជាក់ស្តែងនាពេលបច្ចុប្បន្ន។
ជាទឹកចិត្តមិនអាចកាត់ថ្លៃបាន លោកឧត្តមសេនីយ៍ត្រី ម៉េង ស្រ៊ុន បានឧបត្ថម្ភជាថវិការចំនួន ៤០០,០០០៛ ព្រមទាំងសម្ភារៈគ្រឿងឧបភោគបរិភោគមួយចំនួនរួមមាន៖អង្ករ ៣បាវ,មី ៣កេះ,ទឹកសុទ្ធ ៣កេះ,ទឹកផ្លែឈើ ២កេះ,ភេសជ្ជៈ ១កេះ,ទឹកត្រី ៣យួរ,ទឹកស៉ីអ៉ីវ ៣យួរ និងត្រីខ ៣យួរថែមទៀតផង៕
