ភ្នំពេញ ៖ លោក សុខ ឥសាន អ្នកនាំពាក្យប្រជាជនកម្ពុជា បានលើកឡើងថា មន្រ្តីអន្តរជាតិដែលបានធានាអះអាងអមដំណើរលោកសម រង្ស៊ីចូលស្រុកវិញនោះ បានឈប់និយាយហើយ ព្រោះគ្មានប្រយោជន៍អ្វី។
លោក សុខ ឥសាន បានលើកឡើង តាមរយៈបណ្តាញតេឡេក្រាម នៅថ្ងៃទី២៤ ខែតុលា ឆ្នាំ២០១៩ថា “លោកច្រមុះវែងដែលធានាថា អមដំណើរក្រុមអាយ៉ង ចូលស្រុកនៅថ្ងៃ៩វិច្ឆិកា ឈប់និយាយបញ្ហានេះទៀតហើយ” ។
កាលពីប៉ុន្មានខែមុនតំណាងរាស្រ្ត មកពីច្រើនប្រទេស បានអះអាងជារឿយថា នឹងព្រមធ្វើដំណើរអម លោក សម រង្ស៊ី ចូលស្រុកវិញ ដើម្បីធានាពីសុវត្ថិភាពរបស់លោក ពីអាជ្ញាធរមានសមត្ថកិច្ច របស់កម្ពុជា ដើម្បីកុំឲ្យមាន ការចាប់ខ្លួន៕
