ភ្នំពេញ៖ ស្នាមមេដៃដែលជាសមាជិក-សមាជិការបស់សហព័ន្ធសហជីពកម្ពុជា និងកម្មករ-កម្មការិនី១៣៧៩ នាក់ បានអំពាវនាឲ្យរាជរដ្ឋាភិបាលកម្ពុជា ធ្វើយ៉ាងណារក្សាប្រព័ន្ធអនុគ្រោះពន្ធ លេីទំនិញគ្រប់មុខ (EBA)។ ស្នាមមេដៃនេះនឹងដាក់ជូន រាជរដ្ឋាភិបាលនៅថ្ងៃទី៣ ខែមករា ឆ្នាំ២០២០។
មុនដាក់លិខិតស្នាមមេដៃនេះ សហព័ន្ធសហជីពកម្ពុជាបាន រៀបចំសន្និសីទសារព័ត៌មាន ស្ដីពី យុនាការ ដេីម្បីរក្សា EBA ។
យោងតាមសេចក្ដីអំពាវ របស់សហព័ន្ធសហជីពកម្ពុជា បង្ហាញដល់អ្នកព័ត៌មាន ក្នុងសន្និសីទសារព័ត៌មាន បានឲ្យដឹងថា “យើងខ្ញុំទាំងអស់គ្នា ជាថ្នាក់ដឹកនាំសហជីព សមាជិក-សមាជិការបស់សហព័ន្ធសហជីពកម្ពុជា និងកម្មករ-កម្មការិនី ដែលធ្វើការតាមរោងចក្រ សហគ្រាស នានា ទូទាំងប្រទេសកម្ពុជាសូមអំពាវនាវ ចំពោះសម្តេចតេជោនាយករដ្ឋមន្ត្រី នៃព្រះរាជាណាចក្រកម្ពុជា សូមមេត្តាអនុវត្តតាមសំណើ របស់សហភាពអឺរ៉ុប ដែលស្នើឲ្យរាជរ ដ្ឋាភិបាលកម្ពុជាបើកចំហប្រព័ន្ធ នយោបាយឲ្យមានលក្ខណៈ ទូលំទូលាយដូចមុនថ្ងៃបោះឆ្នោត ក្រុមប្រឹក្សាឃុំ សង្កាត់ ឆ្នាំ២០១៧ ដើម្បីពង្រឹងលទ្ធិប្រជាធិបតេយ្យ និងធានាការគោរព សិទ្ធិសេរីភាពសម្រាប់ប្រជាពលរដ្ឋ ក្នុងគ្រប់វិស័យ ជាពិសេស វិស័យការងារ និងសិទ្ធិសេរីភាពសហជីព”។
សហព័ន្ធសហជីពកម្ពុជាបន្ដថា ពួកគេចង់បានសិទ្ធិសេរីភាព ទូលំទូលាយដូច មានចែងក្នុងរដ្ឋធម្មនុញ្ញ។ ទន្ទឹមគ្នានេះ ក៏ចង់រក្សាការងារធ្វើ ដើម្បីជីវភាពរស់នៅមិនចង់ឲ្យមានការបាត់ បង់ណាមួយ ដោយសាររាជរដ្ឋាភិបាលកម្ពុជា បដិសេធ សំណើដ៏ត្រឹមត្រូវរបស់សហភាពអឺរ៉ុប ដែលស្របទៅនឹងឆន្ទៈរបស់ប្រជារាស្ត្រខ្មែរ ដែលចង់ឃើញលទ្ធិប្រជាធិបតេយ្យ រស់ឡើងវិញនៅកម្ពុជា៕
ដោយ៖ អេង ប៊ូឆេង
